ഇസ്‌ലാമാബാദ്: ഫലസ്തീന് ഐക്യദാര്‍ഢ്യവുമായി പാകിസ്ഥാന്‍. പാകിസ്ഥാന്‍ പ്രധാനമന്ത്രിയായ താന്‍ ഗാസയ്ക്കും ഫലസ്തീനുമൊപ്പം നിലകൊള്ളുന്നുവെന്ന് ഇമ്രാന്‍ ഖാന് പറഞ്ഞു.
” ഞാന്‍ പാകിസ്ഥാന്‍ പ്രധാനമന്ത്രിയാണ്. ഞങ്ങള്‍ ഗാസയ്‌ക്കൊപ്പം നില്‍ക്കുന്നു. ഞങ്ങള്‍ ഫലസ്തീനൊപ്പം നില്‍ക്കുന്നു.,” ഇമ്രാന്‍ ഖാന് ട്വീറ്റ് ചെയ്തു.
അതേസമയം, ഫലസ്തീനിലെ മസ്ജിദുല്‍ അഖ്സ പ്രദേശങ്ങളിലും ജറുസലേമിലും തുടരുന്ന സൈന്യത്തിന്റെ പ്രവര്‍ത്തനങ്ങള്‍ റിപ്പോര്‍ട്ട് ചെയ്യുന്നതില്‍ നിന്ന് മാധ്യമങ്ങളെ വിലക്കി ഇസ്രാഈല്‍.
ഗാസ മുനമ്പിലേക്ക് വിദേശ മാധ്യമപ്രവര്‍ത്തകര്‍ പ്രവേശിക്കുന്നതിനാണ് ഇസ്രാഈല്‍ വിലക്ക് ഏര്‍പ്പെടുത്തിയത്. ഇസ്രാഈല്‍ പ്രതിരോധ മന്ത്രാലയമായ ക്രോസിങ് പോയിന്റ് അതോറിറ്റിയാണ് ഈ ഉത്തരവ് പുറത്തിറക്കിയത്.
വെള്ളിയാഴ്ച മുതലാണ് മസ്ജിദുല്‍ അഖ്സ ശക്തമായ സംഘര്‍ഷത്തിലേക്ക് നീങ്ങിയത്. ഇവിടെ പ്രാര്‍ത്ഥിക്കാനായി എത്തിച്ചേര്‍ന്നവര്‍ക്ക് നേരെ ഇസ്രാഈല്‍ സേന നടത്തിയ ആക്രമണത്തില്‍ വെള്ളിയാഴ്ച മാത്രം നൂറിലേറെ പേര്‍ക്കാണ് പരിക്കേറ്റിരുന്നത്.
