മുംബൈ: സാമൂഹ്യ അകലം പാലിക്കലൊക്കെ ആഢംബരമാണെന്ന് നടി ഹുമ ഖുറേഷി. എത്ര പേര്‍ക്ക് ആ ആഡംബരം നടപ്പിലാക്കാനാവില്ലെന്ന് ആലോചിക്കുന്നത് പ്രധാനമാണെന്നും ഹുമ ഖുറേഷി പറഞ്ഞു.
വളരെ ചെറിയ വീടുകളില്‍ ജീവിക്കുന്നവരെ കുറിച്ച് നമ്മള്‍ ആലോചിക്കണം. അത് പോലുമില്ലാതെ ഈ ദുഷ്‌കര സമയത്ത് ജീവിക്കുന്നവരെ കുറിച്ചുമെന്നും ഹുമ ഖുറേഷി പറഞ്ഞു.
കൊവിഡ് മഹാമാരിയുടെ കാലത്ത് തെരുവില്‍ കഴിയുന്ന കുട്ടികളെ കുറിച്ചും ഹുമ ഖുറേഷി നേരത്തെ സംസാരിച്ചിരുന്നു. തെരുവ് കുട്ടികള്‍ക്കിടയില്‍ പ്രവര്‍ത്തിക്കുന്ന എന്‍.ജി.ഒ ആയ സേവ് ദ ചില്‍ഡ്രനോടൊപ്പം ഹുമ ഖുറേഷി ലോക്ഡൗണ്‍ കാലത്ത് സഹകരിച്ചിരുന്നു. രാജ്യത്തെ 20 ലക്ഷം വരുന്ന തെരുവ് കുട്ടികളെ ഭരണകൂടം ശ്രദ്ധിക്കണം എന്ന് ആവശ്യപ്പെട്ട് 21 ദിവസം നീണ്ടുനിന്ന പ്രചരണ പരിപാടിയില്‍ ഹുമ ഖുറേഷി പങ്കെടുത്തിരുന്നു.
ആര്‍മി ഓഫ് ദ ഡെഡ് എന്ന ചിത്രത്തിലാണ് ഹുമ ഖുറേഷി ഇപ്പോള്‍ അഭിനയിക്കുന്നത്. സാക്ക് സ്‌നൈഡര്‍ സംവിധാനം ചെയ്യുന്ന ചിത്രം നെറ്റ്ഫ്‌ളിക്‌സിലാണ് റിലീസ് ചെയ്യുന്നത്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.