ലൈഫ് ഓഫ് അരുണ്‍ നീലകണ്ഠന്‍, യൂട്യൂബറായി ദര്‍ശനയും; 'ഹൃദയ'ത്തിലെ പുതിയ ഗാനം
എന്റര്‍ടെയിന്‍മെന്റ് ഡെസ്‌ക്
Saturday, 29th January 2022, 6:30 pm
‘ഹൃദയ’ത്തിലെ പുതിയ ഗാനം പുറത്ത്. കോളേജ് പഠനകാലത്തിന് ശേഷമുള്ള അരുണ്‍ നീലകണ്ഠന്റെ ജീവിതം കാണിക്കുന്ന ‘പുതിയൊരു ലോകം’ എന്ന ഗാനമാണ് പുറത്ത് വിട്ടിരികുന്നത്. കാടും മലയും കയറി ക്യാമറയുമായി നടക്കുന്ന പ്രണവിനെയാണ് പാട്ടില്‍ കാണുന്നത്. ഒപ്പം യൂട്യൂബറായി നടക്കുന്ന ദര്‍ശനയും പാട്ടിലുണ്ട്.
’96’ ലെ വിജയ് സേതുപതി അവതരിപ്പിച്ച ‘റാമി’നോട് ഉപമിച്ച പല കമന്റുകളും പാട്ടിനോടനുബന്ധിച്ച് സോഷ്യല്‍ മീഡിയയില്‍ വരുന്നുണ്ട്. ലൈഫ് ഒഫ് അരുണ്‍ നീലകണ്ഠന്‍ എന്നാണ് ചില കമന്റുകള്‍.
സിനിമ ഇപ്പോഴും സോഷ്യല്‍ മീഡിയയില്‍ സജീവ ചര്‍ച്ചയിലുണ്ട്. ചിത്രം ന്യൂസിലാന്റിലും ഓസ്‌ട്രേലിയയിലും ഏറ്റവും വലിയ മലയാള സിനിമക്കുള്ള ഓപ്പണിംഗ് റെക്കോര്‍ഡ് നേടിയെന്ന വാര്‍ത്ത ഇന്ന് പുറത്തുവന്നിരുന്നു.
