കൊവിഡിലും ബോക്‌സ് ഓഫീസ് വേട്ട തുടര്‍ന്ന് 'ഹൃദയം'; വിദേശ രാജ്യങ്ങളില്‍ പുതിയ റെക്കോര്‍ഡ്
എന്റര്‍ടെയിന്‍മെന്റ് ഡെസ്‌ക്
Saturday, 29th January 2022, 4:01 pm
കൊവിഡ് ഭീതിക്കിടയിലും ‘ഹൃദയ’ത്തിന്റെ ബോക്‌സ് ഓഫീസ് വേട്ട തുടരുകയാണ്. നീണ്ട ഇടവേളക്ക് ശേഷം വിനീത് ശ്രീനിവാസന്‍ സംവിധാനം ചെയ്ത ചിത്രം ഇതിനോടകം വലിയ ജനപ്രീതിയാണ് നേടിയിരിക്കുന്നത്. പ്രണവ് മോഹന്‍ലാല്‍, കല്യാണി പ്രിയദര്‍ശന്‍, ദര്‍ശന രാജേന്ദ്രന്‍ എന്നിവരാണ് ചിത്രത്തില്‍ കേന്ദകഥാപാത്രങ്ങളെ അവതരിപ്പിച്ചത്.
ഇപ്പോഴിതാ പുതിയ റൊക്കോര്‍ഡ് കുറിച്ചിരിക്കുകയാണ് ഹൃദയം. ഓസ്‌ട്രേലിയ, ന്യൂസിലാന്റ് എന്നീ രാജ്യങ്ങളിലെ ഏറ്റവും വലിയ ഓപ്പണിംഗ് കളക്ഷന്‍ നേടിയ മലയാള ചിത്രമെന്ന റെക്കോര്‍ഡാണ് ഹൃദയം നേടിയിരിക്കുന്നത്. പ്രശസ്ത സിനിമ നിരൂപകനായ തരണ്‍ ആദര്‍ശാണ് ട്വിറ്ററിലൂടെ വിവരം പങ്കുവെച്ചത്.
ഓസ്‌ട്രേലിയയില്‍ വ്യാഴാഴ്ച 2,760 ഡോളറും വെള്ളിയാഴ്ച 51,836 ഡോളറുമാണ് ചിത്രം നേടിയത്. ഇതോടെ ആകെ 53,836 ഡോളറാണ് ആകെ ചിത്രം നേടിയത്.
