ചിലപ്പോള്‍ വാക്‌സിങ്ങിനുവേണ്ടി ബ്യൂട്ടിപാര്‍ലറുകളില്‍ പോകാന്‍ സമയം ലഭിച്ചെന്നു വരില്ല. അത്തരം സന്ദര്‍ഭങ്ങളില്‍ വീട്ടില്‍വെച്ചു തന്നെ വാക്‌സിങ് ചെയ്യാം.

സ്റ്റെപ്പ് 1

ചീനച്ചട്ടിയെടുത്ത് അതില്‍ അല്പം പഞ്ചസാര ചേര്‍ക്കുക. പഞ്ചസാര ഉരുകുന്നതുവരെ ഇളക്കുക. പഞ്ചസാര കാരമല്‍ ആയി മാറ്റുക.

സ്റ്റെപ്പ് 2

ഈ മിശ്രിതത്തിലേക്ക് അല്പം തേനും നാരങ്ങാനീരും ചേര്‍ക്കുക. ഈ മിശ്രിതം നന്നായി ചൂടാവുന്നതുവരെ ഇളക്കുക. മിശ്രിതം നന്നായി ലയിച്ചിട്ടുണ്ടെന്ന് ഉറപ്പുവരുത്തണം.

സ്റ്റെപ്പ് 3

ഈ മിശ്രിതത്തിനു നല്ല കട്ടികൂടിയെന്നു തോന്നുന്നുണ്ടെങ്കില്‍ അല്പം വെള്ളം ചേര്‍ത്ത് യോജിപ്പിക്കാം.

സ്റ്റെപ്പ് 4

ഈ മിശ്രിതം തയ്യാറായാല്‍ അടുപ്പില്‍ നിന്നും ഇറക്കിവെച്ച് അരമണിക്കൂര്‍ തണുക്കാന്‍ അനുവദിക്കുക.

സ്റ്റെപ്പ് 5

മിശ്രിതം തണുത്തശേഷം ഒരു ടിന്നിലാക്കി ഫ്രിഡ്ജില്‍ വെയ്ക്കുക. അതിനുശേഷം വാക്‌സ് ആയി ഉപയോഗിക്കാം.

വീട്ടിലുണ്ടാക്കുന്ന വാക്‌സ് ഉപയോഗിക്കുന്നതിന്റെ ഗുണങ്ങള്‍:

പ്രകൃതിദത്തമായ വസ്തുക്കള്‍ക്കൊണ്ടു നിര്‍മിച്ചതിനാല്‍ ഇത് നിങ്ങളുടെ ത്വക്കിനെ മൃദുവും തിളക്കമുള്ളതുമാക്കുന്നു.

്‌സ്‌കിന്നില്‍ ചൊറിച്ചലോ അണുബാധയോ ഉണ്ടാവില്ല.

ഇത് സ്‌കിന്നിലെ ഹെയര്‍ റിമൂവ് ചെയ്യുന്നതിനൊപ്പം സ്‌കിന്നിനെ ഈര്‍പ്പമുള്ളതാക്കുകയും ചെയ്യും.

വീട്ടിലുണ്ടാക്കുന്ന വാക്‌സ് രോമവളര്‍ച്ച കുറയ്ക്കും.