അമരാവതി: സഹപാഠിയായ കീഴ്ജാതിക്കാരനെ പ്രണയിച്ചതിനു മകളെ അച്ഛൻ കൊല ചെയ്തു. ആന്ധ്രാപ്രദേശിലെ പ്രകാശത്താണ് സംഭവം നടന്നത്. താഴ്ന്ന ജാതിക്കാരനെ പ്രണയിച്ച മകളെ അച്ഛനായ വെങ്ക റെഡ്ഢി ശ്വാസം മുട്ടിച്ച് കൊല്ലുകയായിരുന്നു.
കോളേജ് വിദ്യാർഥിയായ വൈഷ്ണവി ആണ് സ്വന്തം പിതാവിനാൽ കൊല്ലപ്പെട്ടത്. തിങ്കളാഴ്ചയാണ് പെൺകുട്ടിയെ വീടിനുള്ളിൽ മരിച്ച നിലയിൽ കണ്ടെത്തിയത്. സംഭവത്തിൽ വൈഷ്ണവിയുടെ അച്ഛനെ പൊലീസ് കസ്റ്റഡിയിലെടുത്തു.
കീഴ്ജാതിയിൽ നിന്നുള്ള യുവാവുമായി വൈഷ്ണവി ഏറെ നാളായി പ്രണയത്തിലായിരുന്നു. ഈ കാര്യം പറഞ്ഞു വെങ്ക റെഡ്ഢിയും വൈഷ്ണവിയും തർക്കത്തിലായിരുന്നു. കാമുകനെ കാണാനോ സംസാരിക്കാനോ പാടില്ലെന്ന് വെങ്ക റെഡ്ഢി മകളെ വിലക്കിയിരുന്നു. ഇതവഗണിച്ച് ഇവർ കാണുകയും സംസാരിക്കുകയും ചെയ്തിരുന്നു.
തുടർന്ന് ഇവർ ഒളിച്ചോടി വിവാഹം കഴിക്കാൻ പദ്ധതിയിട്ടിരുന്നെന്നു വെങ്ക റെഡ്ഢി അറിയുകയുണ്ടായി. ഇതിനെ ചെറുക്കാനാണ് സ്വന്തം മകളെ വെങ്ക റെഡ്ഢി ക്രൂരമായി ശ്വാസം മുട്ടിച്ച് കൊല്ലുന്നത്.
Also Read സിനിമാ മേഖല ചെറുതും അപ്രധാനവുമായ ആളുകളാല്‍ നിറഞ്ഞിരിക്കുകയാണ്; കങ്കണാ റണൗട്ട്
ദുരൂഹമരത്തിനാണ് ആന്ധ്രാ പ്രദേശ് പോലീസ് കേസ് എടുത്തിരിക്കുന്നത്. ഫോറൻസിക് റിപ്പോർട്ട് പുറത്തുവന്നാൽ മാത്രമേ കൊലപാതകമാണോയെന്ന് വ്യക്തമാകൂയെന്ന് പോലീസ് സൂപ്രണ്ടായ ശ്രീനിവാസ റാവു പറഞ്ഞു.