അമിത് ഷായുടെ കേരള സന്ദര്‍ശനം മാറ്റി; ഔദ്യോഗിക കാരണങ്ങളാലെന്ന് സുരേന്ദ്രന്‍
ഡൂള്‍ന്യൂസ് ഡെസ്‌ക്
Tuesday, 26th April 2022, 2:16 pm
തിരുവനന്തപുരം: ഏപ്രില്‍ 29ന് നിശ്ചയിച്ചിരുന്ന കേന്ദ്ര ആഭ്യന്തര മന്ത്രി അമിത് ഷായുടെ കേരള സന്ദര്‍ശനം അനിവാര്യമായ ചില ഔദ്യോഗിക കാരണങ്ങളാല്‍ നീട്ടിവെച്ചിരിക്കുന്നതായി ബി.ജെ.പി സംസ്ഥാന അധ്യക്ഷന്‍ കെ. സുരേന്ദ്രന്‍ അറിയിച്ചു. പുതുക്കിയ തീയതി വൈകാതെ അറിയിക്കുന്നതായിരിക്കുമെന്നും സുരേന്ദ്രന്‍ ഫേസ്ബുക്ക് പോസ്റ്റ്‌ലൂടെ പറഞ്ഞു.
ഏപ്രില്‍ 29ന് തിരനവനന്തപുരം ശംഖുമുഖം കടപ്പുറത്ത് വൈകിട്ട് മൂന്ന് മണിക്ക് നടക്കുന്ന ബി.ജെ.പി വലിയ പൊതുയോഗം തീരുമാനിച്ചിരുന്നു. പട്ടികജാതി മോര്‍ച്ചയുടെ നേതൃത്വത്തിലാണ് പട്ടികജാതി സംഗമം തീരുമാനിച്ചിരുന്നത്.
