ആര്‍.ആര്‍.ആറിനെ പ്രശംസിച്ച് ഡോക്ടര്‍ സ്‌ട്രെയിഞ്ചിന്റെ എഴുത്തുകാരന്‍; മികച്ച ചിത്രമെന്ന് ട്വീറ്റ്
എന്റര്‍ടെയിന്‍മെന്റ് ഡെസ്‌ക്
Tuesday, 7th June 2022, 4:38 pm
എസ്.എസ്. രാജമൗലി ചിത്രം ആര്‍.ആര്‍.ആറിനെ( രൗദ്രം രണം രുധിരം) പുകഴ്ത്തി ഹോളിവുഡ് എഴുത്തുകാരന്‍ റോബര്‍ട്ട് കാര്‍ഗില്‍. ഹിറ്റ് ചിത്രം ഡോക്ടര്‍ സ്‌ട്രെയിഞ്ചിന്റെ എഴുത്തുകാരനാണ് റോബര്‍ട്ട് കാര്‍ഗില്‍. ആര്‍.ആര്‍.ആര്‍ കണ്ടെന്നും ചിത്രം അത്ഭുതപ്പെടുത്തിയെന്നുമാണ് അദ്ദേഹം ട്വീറ്റ് ചെയ്തത്. ഈ ആഴ്ച തന്നെ ചിത്രം ഒന്നുകൂടി കാണുമെന്നും അദ്ദേഹം ട്വീറ്റില്‍ കൂട്ടിചേര്‍ക്കുന്നു.
കാര്‍ഗിലിന്റെ ട്വീറ്റ് ആര്‍.ആര്‍.ആറിന്റെ നിര്‍മാണ കമ്പനിയായ ഡി.വി.വി എന്റര്‍ടൈമെന്റ്‌സും പങ്കുവെച്ചിട്ടുണ്ട്. ഹോളിവുഡ് നിരൂപകര്‍ക്കിടയിലും മികച്ച അഭിപ്രായമാണ് ചിത്രത്തിന് ലഭിച്ചത്.
