ഷാഹീന്‍ ബാഗ് ദാദി എന്റെ സ്വന്തം വണ്ടര്‍ വുമണ്‍, എന്നെങ്കിലും കണ്ടുമുട്ടാമെന്ന് പ്രതീക്ഷിക്കുന്നു: ഹോളിവുഡ് നടി ഗാള്‍ ഗദോത്
എന്റര്‍ടെയിന്‍മെന്റ് ഡെസ്‌ക്
Friday, 1st January 2021, 10:39 am
ഷാഹീന്‍ ബാഗ് സമരനായിക ബില്‍ക്കിസ് ബാനുവിന് ഹോളിവുഡിലും ആരാധിക. സൂപ്പര്‍ഹീറോ ചിത്രമായ വണ്ടര്‍ വുമണിലെ നായിക ഗാള്‍ ഗദോത് ആണ് 2020 തന്നെ അത്ഭുതപ്പെടുത്തിയ സ്ത്രീകളുടെ പട്ടികയില്‍ ബില്‍ക്കിസ് ദാദിയെയും ഉള്‍പ്പെടുത്തിയത്. ഇന്‍സ്റ്റഗ്രാമില്‍ #MyPersonalWonderWomen എന്ന ഹാഷ്ടാഗിലാണ് 2020ല്‍ തന്നെ അത്ഭുതപ്പെടുത്തിയ സ്ത്രീകളുടെ പട്ടിക ഗാള്‍ ഗാദോത് പങ്കുവെച്ചത്.
‘#MyPersonalWonderWomen ഇതില്‍ കുറച്ചു പേര്‍ എന്നോട് വളരെ അടുത്തു നില്‍ക്കുന്നവരാണ്, കുടുംബവും സുഹൃത്തുക്കളും. ഏറെ പ്രചോദനം നല്‍കിയ മറ്റു സ്ത്രീകളെ ഞാന്‍ കണ്ടുമുട്ടിയതാണ്. അവരെ കണ്ടെത്താന്‍ സാധിച്ചതില്‍ വലിയ സന്തോഷമുണ്ട്. ഇക്കൂട്ടത്തിലെ മറ്റു സ്ത്രീകളെ ഭാവിയില്‍ എപ്പോഴെങ്കിലും കണ്ടുമുട്ടാന്‍ കഴിയുമെന്ന് പ്രതീക്ഷിക്കുന്നു.’ ഗാളിന്റെ ഇന്‍സ്റ്റാ പോസ്റ്റില്‍ പറയുന്നു.
