ഐ.പി.എല്‍ പതിനാറാം സീസണിലെ ചാമ്പ്യന്മാരെ കാത്തിരിക്കുകയാണ് ക്രിക്കറ്റ് ലോകം. നിലവിലെ ചാമ്പ്യന്മാരായ ഗുജറാത്ത് ടൈറ്റന്‍സ്- ചെന്നൈ സൂപ്പര്‍ കിങ്‌സിനെയാണ് നേരിടാനൊരുങ്ങുന്നത്. അഹമ്മദാബാദിലെ നരേന്ദ്ര മോദി സ്റ്റേഡിയത്തില്‍ ഞായറാഴ്ച വൈകുന്നേരം 07.30നാണ് മത്സരം.
സീസണിലെ ഉദ്ഘാടന മത്സരത്തില്‍ ഇരുടീമുകളും പരസ്പരം ഏറ്റുമുട്ടിയപ്പോള്‍ ഗുജറാത്തിനൊപ്പമായിരുന്നു വിജയം. എന്നാല്‍ പ്ലേ ഓഫിലെ ആദ്യ ക്വാളിഫയറില്‍ ജയം ചെന്നൈക്കൊപ്പമായിരുന്നു. ചെന്നൈയുടെ 10ാം ഫൈനലാണിത്. നാല് തവണ ഐ.പി.എല്‍ കിരീടം നേടിയ ചെന്നൈ ഇത്തവണ വിജയിച്ചാല്‍ ഏറ്റവും കൂടുതല്‍ കിരീടം നേടിയ മുംബൈയുടെ റെക്കോര്‍ഡിനൊപ്പമെത്താം.
ആകെ 46.45 കോടി രൂപയാണ് ഇത്തവണത്തെ ഐ.പി.എല്‍ വിജയികളെ കാത്തിരിക്കുന്നത്. ചാമ്പ്യന്മാര്‍ക്ക് 20 കോടി രൂപ ലഭിക്കുമ്പോള്‍ റണ്ണര്‍ അപ്പിന് 13 കോടി രൂപയാണ് ലഭിക്കുക. മൂന്നാമതുള്ള മുംബൈ ഇന്ത്യന്‍സിന് ഏഴ് കോടി രൂപയും നാലാമതുള്ള ലഖ്നൗ സൂപ്പര്‍ ജയന്റ്സിന് 6.5 കോടിയും ലഭിക്കും.
ഏറ്റവും കൂടുതല്‍ റണ്‍സ് നേടി ഓറഞ്ച് കാപ്പ് സ്വന്തമാക്കുന്ന ബാറ്റര്‍ക്കും ഏറ്റവും കൂടുതല്‍ വിക്കറ്റുകള്‍ വീഴ്ത്തി പര്‍പിള്‍ ക്യാപ് സ്വന്തമാക്കുന്ന ബൗളര്‍ക്കും 15 ലക്ഷം രൂപ വീതം ലഭിക്കും. മികച്ച താരത്തിന് 12 ലക്ഷം രൂപയും മികച്ച യുവ താരത്തിന് 20 ലക്ഷം രൂപയും സ്വന്തമാക്കം.
Prize money.#GTvsCSK #IPL #IPLFinal #IndianPremierLeague #IPL #IPL2023 pic.twitter.com/9XFxXjUL0f
— RVCJ Sports (@RVCJ_Sports) May 27, 2023
