സത്യപ്രതിജ്ഞ നടന്ന സെന്‍ട്രല്‍ സ്റ്റേഡിയത്തിലെ പന്തല്‍ കൊവിഡ് വാക്സിനേഷന്‍ കേന്ദ്രമാക്കും
ഡൂള്‍ന്യൂസ് ഡെസ്‌ക്
Friday, 21st May 2021, 8:02 am
തിരുവനന്തപുരം: രണ്ടാം പിണറായി മന്ത്രിസഭയുടെ സത്യപ്രതിജ്ഞ നടന്ന തിരുവനന്തപുരം സെന്‍ട്രല്‍ സ്റ്റേഡിയത്തിലെ പന്തല്‍ കൊവിഡ് വാക്സിനേഷന്‍ കേന്ദ്രമായി ഉപയോഗിക്കാന്‍ ധാരണ. 80,000 ചതുരശ്ര അടി വിസ്താരമുള്ള കൂറ്റന്‍ പന്തലാണ് സത്യപ്രതിജ്ഞയ്ക്കായി നിര്‍മിച്ചത്.
സ്റ്റേഡിയത്തില്‍ തത്കാലം കായിക പരിപാടികള്‍ ഒന്നും ഇല്ലാത്തതിനാലാണ് പന്തല്‍ പൊളിച്ചുകളയാതെ വാക്സിനേഷന്‍ കേന്ദ്രമായി ഉപയോഗിക്കുന്നത്.
5000 പേരെ ഉള്‍ക്കൊള്ളാന്‍ കഴിയുന്ന പന്തലില്‍ നല്ല വായുസഞ്ചാരം കിട്ടും. ഇതു സംബന്ധിച്ച ഉത്തരവ് വെള്ളിയാഴ്ച പുറത്തിറങ്ങും. ജിമ്മി ജോര്‍ജ് ഇന്‍ഡോര്‍ സ്റ്റേഡിയം അടക്കമുള്ള സ്ഥലത്ത് നിരവധിപേര്‍ തിക്കിത്തിരക്കിയാണ് വാക്സിന്‍ സ്വീകരിക്കാനെത്തുന്നത്. ഇത് പരിഗണിച്ചുകൂടിയാണ് പുതിയ തീരുമാനം.
