മതവിദ്വേഷം പടര്‍ത്താന്‍ നവമാധ്യമത്തിലൂടെ ശ്രമിച്ചു എന്ന പരാതി പരിശോധിച്ച പൊലീസ് ചോദ്യം ചെയ്യാനായി വിളിച്ചു വരുത്തിയ ശേഷമാണ് അറസ്റ്റ് ചെയ്തത്.
കൊച്ചി: ഫേസ് ബുക്കിലൂടെ ഇതരസമുദായങ്ങളെ മോശമായി ചിത്രീകരിച്ചതിന് ഹിമവല്‍ ഭദ്രാനന്ദയെ അറസ്റ്റു ചെയ്തു. മതവിദ്വേഷം പടര്‍ത്താന്‍ ശ്രമിച്ച കുറ്റത്തിനു എറണാകുളം നോര്‍ത്ത് പൊലീസാണ് തോക്ക് സ്വാമി എന്നറിയപ്പെടുന്ന ഭദ്രാന്ദയെ അറസ്റ്റ് ചെയ്തത്.
മതവിദ്വേഷം പടര്‍ത്താന്‍ നവമാധ്യമത്തിലൂടെ ശ്രമിച്ചു എന്ന പരാതി പരിശോധിച്ച പൊലീസ് ചോദ്യം ചെയ്യാനായി വിളിച്ചു വരുത്തിയ ശേഷമാണ് അറസ്റ്റ് ചെയ്തത്.
നേരത്തെ ആലുവയില്‍ ഭദ്രാനന്ദ തോക്ക് ഉപയോഗിച്ചതുമായി ബന്ധപ്പെട്ട കേസില്‍ കോടതി ഇന്ന് വിധി പറയേണ്ടിയിരുന്നതാണ്. പിന്നീട് കോടതി കേസ് മാറ്റി വെക്കുകയായിരുന്നു.
മതവിദ്വേഷവുമായി ബന്ധപ്പെട്ട കേസില്‍ അറസ്റ്റു ചെയ്യപ്പെട്ട ഭദ്രാനന്ദയെ വൈദ്യ പരിശോധനയ്ക്കു ശേഷം അഡീഷണല്‍ സി.ജെ.എം കോടതിയില്‍ ഹാജരാക്കും.