സുരാജും വെങ്കിയും നായകന്മാര്‍; ഹിഗ്വിറ്റയുടെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടു; പങ്കുവെച്ച് പൃഥ്വിയും ദുല്‍ഖറും ചാക്കോച്ചനും അടക്കമുള്ള താരങ്ങള്‍
എന്റര്‍ടെയിന്‍മെന്റ് ഡെസ്‌ക്
Saturday, 9th November 2019, 9:36 pm
കൊച്ചി: ആന്‍ഡ്രോയ്ഡ് കുഞ്ഞപ്പന്‍ എന്ന ചിത്രത്തിലെ മിന്നുന്ന പ്രകടനത്തിന് പിന്നാലെ നടന്‍ സുരാജ് വെഞ്ഞാറമൂടിനെയും നായിക നായകന്‍ ഫെയിം വെങ്കിയെയും പ്രധാന കഥാപാത്രങ്ങളാക്കി ഹേമന്ത് ജി നായര്‍ സംവിധാനം ചെയ്യുന്ന ഹിഗ്വിറ്റയുടെ ഫസ്റ്റ്‌ലുക്ക് പോസ്റ്റര്‍ പുറത്തുവിട്ടു.
ഹേമന്ത് തന്നെയാണ് ചിത്രത്തിന്റെ രചനയും സംവിധാനവും നിര്‍വഹിക്കുന്നത്.പൃഥ്വിരാജ് സുകുമാരന്‍, ദുല്‍ഖര്‍ സല്‍മാന്‍, കുഞ്ചാക്കോ ബോബന്‍, ടോവിനോ തോമസ്, ആസിഫ് അലി, ഇന്ദ്രജിത്ത് സുകുമാരന്‍, സൗബിന്‍ സാഹിര്‍, സണ്ണി വെയ്ന്‍ എന്നിവരാണ് ചിത്രത്തിന്റെ പോസ്റ്റര്‍ പുറത്തുവിട്ടത്.
