അക്വേറിയം സിനിമയ്‌ക്കെതിരെ കന്യാസ്ത്രീകളുടെ സംഘടന; റീലീസിന് ഹൈക്കോടതിയുടെ സ്റ്റേ
എന്റര്‍ടെയിന്‍മെന്റ് ഡെസ്‌ക്
Tuesday, 11th May 2021, 11:55 pm
കൊച്ചി: സണ്ണി വെയ്‌നും ഹണി റോസും പ്രധാന വേഷത്തില്‍ എത്തുന്ന അക്വേറിയം എന്ന ചിത്രത്തിനെതിരെ കന്യാസ്ത്രീകളുടെ സംഘടനയുടെ ഹരജിയെ തുടര്‍ന്ന് റീലീസ് ഹൈക്കോടതി തടഞ്ഞു.
പത്ത് ദിവസത്തേക്കാണ് ചിത്രം റിലീസ് ചെയ്യുന്നതിന് സ്റ്റേ ഏര്‍പ്പെടുത്തിയത്. കന്യാസ്ത്രീകളെ അപമാനിക്കുന്നതാണ് സിനിമയെന്ന് കാണിച്ചാണ് കന്യാസ്ത്രീകളുടെ സംഘടനയായ വോയിസ് ഓഫ് നണ്‍സ് ഹരജി നല്‍കിയത്.
ദേശീയപുരസ്‌കാര ജേതാവായ ടി.ദീപേഷാണ് ചിത്രത്തിന്റെ സംവിധായകന്‍.’പിതാവിനും പുത്രനും പരിശുദ്ധാത്മാവിനും’ എന്ന പേരില്‍ തയ്യാറാക്കിയ ചിത്രത്തിന് നേരത്തെ പ്രദര്‍ശനാനുമതി നിഷേധിക്കപ്പെട്ടിരുന്നു. പിന്നീടാണ് ചിത്രത്തിന് അക്വേറിയം എന്ന് പേരിട്ടത്.
