സനാ: ഇറാനെതിരെ യുദ്ധമുണ്ടായാല്‍ അത് മിഡില്‍ഈസ്റ്റിനെ തകര്‍ക്കുമെന്ന് ലെബനീസ് പൊളിറ്റിക്കല്‍ ആന്റ് ആംഡ് മൂവ്‌മെന്റ് ഹിസ്ബുള്ളയുടെ മുന്നറിയിപ്പ്.
‘ഇറാനെതിരെ നടക്കുന്ന ഏത് യുദ്ധവും ഇറാന്‍ അതിര്‍ത്തിയില്‍ ഒതുങ്ങി നില്‍ക്കില്ല. ആ മേഖല മുഴുവന്‍ കത്തും.’ ഹസന്‍ നസ്രല്ല യു.എസില്‍ പറഞ്ഞു.
സൗദിയിലെ മെക്കയില്‍ അറബ് ലീഗിന്റെയും ഇസ്‌ലാമിക് കോണ്‍ഫറന്‍സ് ഓര്‍ഗനൈസേഷനുകളുടെയും ഗള്‍ഫ് കോര്‍പ്പറേഷന്‍ കൗണ്‍സിലിന്റെയും യോഗം നടക്കുന്ന സാഹചര്യത്തിലാണ് ഹസന്‍ നസ്രല്ലയുടെ പ്രതികരണം.
മേഖലയില്‍ ഇറാന്റെ ഇടപെടല്‍ വര്‍ധിക്കുന്നുവെന്ന് സൗദി അറേബ്യ അവകാശപ്പെടുന്ന സാഹചര്യത്തിലാണ് യോഗം വിളിച്ചു ചേര്‍ത്തത്. യു.എസും ഇറാനും തമ്മിലുള്ള പ്രശ്‌നങ്ങള്‍ വര്‍ധിച്ചുവരുന്ന സാഹചര്യത്തിലായിരുന്നു മെക്ക ഉച്ചകോടി നടന്നത്.
2015ല്‍ അമേരിക്കയടക്കമുള്ളരാജ്യങ്ങളുമായി ഇറാന്‍ ഒപ്പുവെച്ച ആണവ ഉടമ്പടിയില്‍ നിന്ന് ഏകപക്ഷീയമായി അമേരിക്ക പിന്‍മാറുകയായിരുന്നു. ഇതോടെ ഇറാനെതിരെയുള്ള ഉപരോധങ്ങള്‍ പുനസ്ഥാപിച്ചിരുന്നു.
