രാജ്യത്ത് കൊവിഡ് മഹാമാരി വ്യാപിച്ചതിനു പിന്നാലെ കൊവിഡ് പ്രതിരോധം ജനങ്ങളില്‍ ഉണ്ടാക്കുന്നതിന്റെ ഭാഗമായി കൊണ്ടു വന്ന സര്‍ക്കാര്‍
പദ്ധതിയായിരുന്നു ഫോണ്‍ കോള്‍ ചെയ്യുമ്പോള്‍ തന്നെ കൊവിഡ് പ്രതിരോധത്തെ പറ്റി നല്‍കുന്ന ശബ്ദ സന്ദേശം. എന്നാല്‍ അത്യാവശ്യ ഘട്ടങ്ങളിലെ കോളുകള്‍ക്കിടയില്‍ ഈ സന്ദേശം ഒരു പ്രതിബന്ധമായി വരുന്നുണ്ടെന്ന പരാതി ഇപ്പോള്‍ ഉയരുന്നുണ്ട്.
പ്രത്യേകിച്ചും കേരളത്തിലെ നിലവിലെ പ്രളയ ഭീതി സാഹചര്യത്തില്‍ കോളിനു മുമ്പ് വരുന്ന ഈ സന്ദേശം അത്യാവശ്യകോളുകള്‍ക്ക് തടസ്സമാണെന്ന് ചൂണ്ടിക്കാട്ടി പലരും രംഗത്തെത്തിയിട്ടുണ്ട്.
എന്നാല്‍ ഈ ശബ്ദ സന്ദേശം ഒഴിവാക്കാന്‍ ഫോണില്‍ തന്നെ സാധിക്കും.
കോള്‍ ചെയ്യുക, കൊവിഡ് ശബ്ദ സന്ദേശം വരുമ്പോള്‍ തന്നെ 1 നമ്പര്‍ പ്രസ് ചെയ്യുക. അപ്പോള്‍ ഈ സന്ദേശം ഒഴിവാവുകയും നേരിട്ട് കോളിലേക്ക് കടക്കുകയും ചെയ്യാം.
നേരത്തെ നടന്‍ ഷെയനിന്‍ നിഗം അടക്കമുള്ളവര്‍ ഈ സന്ദേശം കേരളത്തില്‍ നിലവില്‍ പ്രളയ ഭീതി നിലനില്‍ക്കുന്ന സാഹചര്യത്തില്‍ കുറച്ചു നാളത്തേക്ക് ഒഴിവാക്കണമെന്ന് സര്‍ക്കാരിനോട് ആവശ്യപ്പെട്ടിരുന്നു.