ചരിത്രം കുറിച്ച് ഹെക്കാനി ജക്കാലു; നാഗാലാന്‍ഡിലെ ആദ്യ വനിതാ എം.എല്‍.എ
ഡൂള്‍ന്യൂസ് ഡെസ്‌ക്
Thursday, 2nd March 2023, 1:50 pm
കൊഹിമ: നാഗാലാന്‍ഡിന്റെ ചരിത്രത്തില്‍ ആദ്യമായി വനിത എം.എല്‍.എ നിയമസഭയിലേക്ക്. ഹെക്കാനി ജക്കാലുവാണ് ഈ ചരിത്ര നേട്ടം കരസ്ഥമാക്കിയത്. ദിമാപൂര്‍ മണ്ഡലത്തിലാണ് എന്‍.ഡി.പി.പി സ്ഥാനാര്‍ത്ഥിയായ ഹെക്കാനി ജക്കാലു വിജയിച്ചത്.
വോട്ടെണ്ണല്‍ പകുതിയോടടുക്കുമ്പോള്‍ നാഗാലാന്‍ഡില്‍ ബി.ജെ.പിയാണ് മുന്നില്‍ നില്‍ക്കുന്നത്. ബി.ജെ.പി- എന്‍.ഡി.പി.പി സഖ്യം 40 സീറ്റുകള്‍ മുന്നില്‍ നില്‍ക്കുന്നു. എന്‍.പി.എഫ് 3 സീറ്റില്‍ ലീഡ് ചെയ്യുന്നു.
