പുതുച്ചേരിയില്‍ കൊവിഡ് ബാധിച്ച് മരിച്ചയാളുടെ മൃതദേഹം കാട്ടില്‍ തള്ളി; ഉദ്യോഗസ്ഥരുടെ പിഴവെന്ന് പുതുച്ചേരി സര്‍ക്കാര്‍
ഡൂള്‍ന്യൂസ് ഡെസ്‌ക്
Saturday, 6th June 2020, 9:53 pm
പുതുച്ചേരി: കൊവിഡ് ബാധിച്ച് മരിച്ചയാളുടെ മൃതദേഹം കാട്ടില്‍ തള്ളി ആരോഗ്യപ്രവര്‍ത്തകര്‍. ചെന്നൈ സ്വദേശിയായ 44 കാരന്റെ മൃതദേഹമാണ് വനത്തിനുള്ളിലെ കുഴിയില്‍ ഉപേക്ഷിച്ചത്.
ചെന്നൈ സ്വദേശിയായ ഇയാളുടെ ഭാര്യ വീട് പുതുച്ചേരിയില്‍ ആയിരുന്നു. ഇവിടെ വെച്ചാണ് ഇയാളെ ആശുപത്രിയില്‍ പ്രവേശിപ്പിച്ചത്. തുടര്‍ന്ന് നടത്തിയ പരിശോധനയില്‍ കൊവിഡ് ആണെന്ന് സ്ഥിരീകരിക്കുകയായിരുന്നു.
പുതുച്ചേരിയില്‍ റിപ്പോര്‍ട്ട് ചെയ്ത ആദ്യ കൊവിഡ് മരണമായിരുന്നു ഇത്. മൃതദേഹം സ്ട്രക്ച്ചറില്‍ എടുത്തുകൊണ്ടുവന്ന് കുഴിയിലേക്ക് ഇട്ടതിനു ശേഷം മടങ്ങുന്ന് ആശുപത്രി അധികൃതരുടെ വീഡിയോ ഇതിനോടകം സമൂഹമാധ്യമങ്ങളില്‍ പ്രചരിക്കുന്നുണ്ട്.
