രാജ്യത്ത് കൊവിഡ് വ്യാപനം കുറയ്ക്കാന്‍ ലോക്ക്ഡൗണ്‍ മാത്രമാണ് പോംവഴിയെന്ന് ആരോഗ്യ വിദഗ്ധന്‍
ഡൂള്‍ന്യൂസ് ഡെസ്‌ക്
Sunday, 18th April 2021, 10:08 am
ന്യൂദല്‍ഹി: രാജ്യത്ത് കൊവിഡ് രണ്ടാം തരംഗം ശക്തമാകുന്നതിനിടെ രോഗം വ്യാപനം തടയുന്നതിന് ലോക്ക്ഡൗണ്‍ മാത്രമാണ് ഏക പോംവഴിയെന്ന് ആരോഗ്യവിദഗ്ധന്‍ ഡോക്ടര്‍ അഗര്‍വാള്‍.
ദല്‍ഹിയിലെ ശ്രീ ഗംഗാറാം ആശുപത്രിയിലെ മുതിര്‍ന്ന ഡോക്ടറാണ് അഗര്‍വാള്‍. ജനിതകമാറ്റം സംഭവിച്ച വൈറസാണ് ഇന്ത്യയില്‍ പടരുന്നത്. ഇത് സ്ഥിതി രൂക്ഷമാക്കുന്നെന്നും നാല് മുതല്‍ അഞ്ച് ദിവസത്തിനുള്ളില്‍ രോഗികളുടെ എണ്ണം ഇരട്ടിയാകുന്നുണ്ടെന്നും അദ്ദേഹം പറഞ്ഞു.
ദീര്‍ഘകാല ലോക്ഡൗണ്‍ കൊണ്ട് മാത്രമേ കൊവിഡ് ചങ്ങല നശിപ്പിക്കാന്‍ കഴിയുകയുള്ളു. ഏഴ് ദിവസത്തേക്കെങ്കിലും രാജ്യത്ത് ലോക്ഡൗണ്‍ നടപ്പാക്കണമെന്നും ഡോക്ടര്‍ അഗര്‍വാള്‍ പറഞ്ഞു.
