കൊവിഡ് വ്യാപനം; നിസാമുദ്ദീന്‍ ദര്‍ഗ ഏപ്രില്‍ 30 വരെ അടച്ചിടും
ഡൂള്‍ന്യൂസ് ഡെസ്‌ക്
Sunday, 18th April 2021, 8:55 am
ന്യൂദല്‍ഹി: രാജ്യതലസ്ഥാനത്ത് കൊവിഡ് കേസുകളുടെ എണ്ണത്തില്‍ വലിയ വര്‍ധന ഉണ്ടായതിനെ തുടര്‍ന്ന് ദല്‍ഹിയിലെ പ്രശസ്തമായ ഹസ്രത്ത് നിസാമുദ്ദീന്‍ ഔലിയ ദര്‍ഗാ ഷെരീഫ് ഏപ്രില്‍ 30 വരെ അടച്ചിടുമെന്ന് ചെയര്‍മാന്‍ അഫ്‌സര്‍ അലി നിസാമി അറിയിച്ചു.
തലസ്ഥാനത്തെ കൊവിഡ് കേസുകളുടെ പശ്ചാത്തലത്തിലാണ് തങ്ങള്‍ തീരുമാനമെടുത്തതെന്നും അഫ്‌സര്‍ അലി പറഞ്ഞു. മാസ്‌ക് ധരിക്കുകയും സാമൂഹിക അകലം പാലിക്കുകയും ഉള്‍പ്പെടെ എല്ലാ കൊവിഡ് പ്രോട്ടോക്കോളുകളും പിന്തുടരുന്നുണ്ടെങ്കിലും ഏപ്രില്‍ 30 വരെ ദര്‍ഗ അടച്ചിടുന്നതാണ് നല്ലതെന്ന് കരുതിയാണ് തീരുമാനമെന്നും അദ്ദേഹം പറഞ്ഞു.
