ഞാന്‍ പാതി മനസ്സോടെ അത് ചെയ്യാന്‍ ആഗ്രഹിക്കുന്നില്ല, ഒരുപാട് ഓഫറുകള്‍ ലഭിക്കുന്നുണ്ട്; രാഷ്ട്രീയ പ്രവേശനത്തെക്കുറിച്ച് ഹര്‍ഭജന്‍
ഡൂള്‍ന്യൂസ് ഡെസ്‌ക്
Saturday, 25th December 2021, 3:26 pm
ന്യൂദല്‍ഹി: രാഷ്ട്രീയ പ്രവേശനത്തെക്കുറിച്ച് കൂടുതല്‍ വ്യക്തത വരുത്തി മുന്‍ ക്രിക്കറ്റ് താരം ഹര്‍ഭജന്‍ സിംഗ്.
പല രാഷ്ട്രീയ പാര്‍ട്ടികളില്‍ നിന്നും തനിക്ക് ഓഫറുകള്‍ ലഭിക്കുന്നുണ്ടെന്ന് ഹര്‍ഭജന്‍ പറഞ്ഞു. എന്നാല്‍ കാര്യമായി ചിന്തിച്ച ശേഷം മാത്രമേ തീരുമാനം എടുക്കൂവെന്ന് ഹര്‍ഭജന്‍ പറഞ്ഞു.
‘സത്യം പറഞ്ഞാല്‍, ഞാന്‍ അതിനെക്കുറിച്ച് ചിന്തിച്ചിട്ടില്ല,വിവിധ പാര്‍ട്ടികളില്‍ നിന്ന് എനിക്ക് ഓഫറുകള്‍ ഉണ്ട്. എന്നാല്‍ വളരെ വിവേകപരമായി ഇരുന്നു ചിന്തിക്കേണ്ടിവരും. ഇത് ഒരു ചെറിയ തീരുമാനമായിരിക്കില്ല. ഞാന്‍ പാതി മനസ്സോടെ അത് ചെയ്യാന്‍ ആഗ്രഹിക്കുന്നില്ല, ഞാന്‍ അത് ചെയ്യാന്‍ തയ്യാറാണെന്ന് കരുതുന്ന ദിവസം, ഞാന്‍ അതിനായി പോകും,’ ഹര്‍ഭജന്‍ പറഞ്ഞു.
