സ്വതന്ത്രന്‍മാരെ മാത്രം നിയമസഭയിലേക്ക് അയക്കുന്ന ഒരു മണ്ഡലമുണ്ട് ഇന്ത്യയില്‍; ആ മണ്ഡലത്തിലും ഒക്ടോബര്‍ 21നാണ് തെരഞ്ഞെടുപ്പ്
ഡൂള്‍ന്യൂസ് ഡെസ്‌ക്
Friday, 18th October 2019, 2:58 pm
കഴിഞ്ഞ 23 വര്‍ഷമായി സ്വതന്ത്ര സ്ഥാനാര്‍ത്ഥികളെ മാത്രം വിജയിപ്പിക്കുന്നൊരു നിയമസഭ മണ്ഡലമുണ്ട് ഇന്ത്യയില്‍. ഒക്ടോബര്‍ 21നാണ് ഈ മണ്ഡലത്തിലെ തെരഞ്ഞെടുപ്പ്. പ്രധാന കക്ഷികളും മണ്ഡലത്തില്‍ സ്ഥാനാര്‍ത്ഥികളെ മത്സരിപ്പിക്കുന്നുണ്ട്. ഇക്കുറി ചരിത്രം തിരുത്തുമോ അതോ തുടരുമോ എന്ന് അറിയാനുള്ള ആകാംക്ഷയിലാണ് രാഷ്ട്രീയ നിരീക്ഷകര്‍.
ഹരിയാനയിലെ പുന്ദ്രി മണ്ഡലത്തിലാണ് ഇക്കാര്യം നടക്കുന്നത്. തങ്ങള്‍ തെരഞ്ഞെടുക്കുന്ന രാഷ്ട്രീയ പാര്‍ട്ടി സ്ഥാനാര്‍ത്ഥിക്ക് ആ വര്‍ഷം സംസ്ഥാനത്ത് അധികാരം ലഭിച്ചില്ലെങ്കില്‍ മണ്ഡലം വിവേചനം അനുഭവിക്കേണ്ടി വരും, അത് കൊണ്ടാണ് സ്വതന്ത്രന്‍മാരെ തെരഞ്ഞെടുക്കുന്നതെന്ന് മണ്ഡലത്തിലെ വോട്ടര്‍മാര്‍ പറയുന്നു.
