സര്‍ക്കാര്‍ പറയുന്നതാണ് നിയമം,വിദേശികള്‍ പുറത്തു പോവേണ്ടി വരും; ഹരിയാനയില്‍ എന്‍.ആര്‍.സി നടപ്പിലാക്കുമെന്ന ഖട്ടറിന്റെ പ്രസ്താവനയെ പിന്തുണച്ച് കോണ്‍ഗ്രസ് നേതാവ് ഹൂഡ
ഡൂള്‍ന്യൂസ് ഡെസ്‌ക്
Sunday, 15th September 2019, 10:16 pm
ചണ്ഡീഗഢ്: അസമിലേത് പോലെ ഹരിയാനയിലും പൗരത്വ പട്ടിക കൊണ്ടു വരുമെന്ന മുഖ്യമന്ത്രി മനോഹര്‍ ലാല്‍ ഖട്ടറിന്റെ പ്രസ്താവനയെ പിന്തുണച്ച് മുതിര്‍ന്ന കോണ്‍ഗ്രസ് നേതാവ് ഭൂപീന്ദര്‍ സിങ് ഹൂഡ.
‘മുഖ്യമന്ത്രി പറഞ്ഞതാണ് നിയമം. വിദേശികള്‍ക്ക് രാജ്യം വിടേണ്ടി വരും. ഇത്തരക്കാരെ കണ്ടെത്തേണ്ടത് സര്‍ക്കാരിന്റെ ഉത്തരവാദിത്വമാണ്’ ഭൂപീന്ദര്‍ സിങ് ഹൂഡ പറഞ്ഞു.
ഇന്ന് നേവി ചീഫ് അഡ്മിറല്‍ സുനില്‍ ലാന്‍ബ, ഹൈക്കോടതി മുന്‍ ജഡ്ജി എച്ച്.എസ് ഭല്ല എന്നിവരുമായി കൂടിക്കാഴ്ച നടത്തിയ ശേഷമാണ് ഖട്ടര്‍ ഹരിയാനയിലും എന്‍.ആര്‍.സി കൊണ്ടു വരുമെന്ന് പ്രഖ്യാപിച്ചത്.
