ആധുനിക ഫുട്‌ബോള്‍ ഇതിഹാസങ്ങളായ ലയണല്‍ മെസിയും ക്രിസ്റ്റ്യാനോ റൊണാള്‍ഡോയും കരിയറില്‍ ഒട്ടുമിക്ക നേട്ടങ്ങളും പേരിലാക്കി റെക്കോഡിട്ടവരാണ്. എന്നാല്‍ ഇരുവരും നേടിയിട്ടില്ലാത്ത റെക്കോഡില്‍ കയ്യൊപ്പ് പതിപ്പിച്ചിരിക്കുകയാണ് ടോട്ടന്‍ഹാം സ്പഴ്‌സിന്റെ ഇംഗ്ലണ്ട് താരം ഹാരി കെയന്‍.
യൂറോപ്പിലെ മികച്ച അഞ്ച് ലീഗുകളില്‍ തുടര്‍ച്ചയായ ഒമ്പത് സീസണുകളില്‍ 20 ഗോള്‍ നേടുന്ന രണ്ടാമത്തെ താരമായി പേരെടുത്തിരിക്കുകയാണ് ഇപ്പോള്‍ കെയ്ന്. കഴിഞ്ഞ ദിവസം പ്രീമിയര്‍ ലീഗില്‍ ചെല്‍സിക്കെതിരെ നടന്ന മത്സരത്തില്‍ ഗോള്‍ നേടിയതോടെയാണ് താരം പുതിയ റെക്കോഡ് പേരിലാക്കിയത്.
Harry Kane’s game by numbers vs. Chelsea:
52 touches
7/9 long balls completed
4 ground duels won
2/3 aerial duels won
2 dribbles completed
1 goal
ബാഴ്‌സലോണ സ്‌ട്രൈക്കര്‍ റോബര്‍ട്ട് ലെവന്‍ഡോസ്‌കിയാണ് ഈ നേട്ടം പേരിലാക്കിയ ആദ്യ താരം. ഇരുപത്തിയഞ്ചില്‍ പരം ഗോളുകളാണ് യൂറോപ്പിലെ മികച്ച അഞ്ച് ലീഗുകളില്‍ തുടര്‍ച്ചയായ ഒമ്പത് സീസണുകളില്‍ നിന്ന് താരം അക്കൗണ്ടിലാക്കിയത്.
നിലവില്‍ 17 ഗോളുകള്‍ സ്വന്തമാക്കിയ മെസിക്ക് ഈ സീസണില്‍ റെക്കോഡ് നേട്ടത്തിനൊപ്പമെത്താനാകുമോയെന്നാണ് ഉറ്റുനോക്കുകയാണ് ആരാധകര്‍. എന്നിരുന്നാലും, 2021-22 സീസണില്‍ പാരീസ് സെന്റ് ഷെര്‍മാങ്ങിനായി 11 ഗോളുകള്‍ മാത്രമാണ് അദ്ദേഹം നേടിയത്.
ഈ സീസണില്‍ മികച്ച ഫോമിലാണ് കെയ്ന് ടോട്ടന്‍ഹാമില്‍ തുടരുന്നത്. സ്പഴ്‌സിനായി ഇതുവരെ 268 ഗോള്‍ നേടിക്കൊണ്ട് ക്ലബ്ബിലെ ഉയര്‍ന്ന ഗോള്‍ സ്‌കോററായി മാറാന്‍ താരത്തിന് സാധിച്ചു.
Tottenham’s victory today over Chelsea marks their first Premier League win against their London Rivals since November 24th, 2018.
Since Harry Kane re-joined Tottenham in 2013-14, the only player with more PL goals vs Chelsea than Kane (6) is Sergio Agüero (9) pic.twitter.com/JFXWAntWKB
