ഗുജറാത്തില്‍ കോണ്‍ഗ്രസിനെ നയിക്കാന്‍ ഹര്‍ദിക്-മേവാനി സഖ്യം? അന്തിമ തീരുമാനം രാഹുലിന്റേത്
ഡൂള്‍ന്യൂസ് ഡെസ്‌ക്
Friday, 22nd October 2021, 4:33 pm
ന്യൂദല്‍ഹി: ഗുജറാത്തില്‍ നിയമസഭാ തെരഞ്ഞെടുപ്പിന് മുന്നോടിയായി പാര്‍ട്ടിയിലും നിയമസഭയിലും പുനസംഘടനയ്‌ക്കൊരുങ്ങി കോണ്‍ഗ്രസ്. ഇതിനായി സംസ്ഥാനത്തെ മുതിര്‍ന്ന നേതാക്കളുമായി രാഹുല്‍ ഗാന്ധി ദല്‍ഹിയില്‍ ചര്‍ച്ച നടത്തി.
ഗുജറാത്ത് വര്‍ക്കിംഗ് പ്രസിഡന്റായ ഹര്‍ദിക് പട്ടേലും സ്വതന്ത്ര എം.എല്‍.എയായ ജിഗ്നേഷ് മേവാനിയുമടക്കമുള്ള 15 അംഗ സംഘമാണ് രാഹുലിനെ കണ്ടത്.
പുതിയ സംസ്ഥാന അധ്യക്ഷനേയും നിയമസഭാ കക്ഷി നേതാവിനേയും ഉടന്‍ തെരഞ്ഞെടുത്തേക്കുമെന്നാണ് റിപ്പോര്‍ട്ട്. ഇരുസ്ഥാനത്തേക്കും ഹര്‍ദിക്കിനും മേവാനിയ്ക്കുമാണ് സാധ്യത കൂടുതലെന്നാണ് റിപ്പോര്‍ട്ട്.
പ്രസിഡന്റ് സ്ഥാനത്തേക്ക് മുതിര്‍ന്ന നേതാവായ ശക്തികാന്ത് ഗോഹിലിന്റെ പേരും ഉയര്‍ന്നുവന്നിട്ടുണ്ട്.
