ഹര്‍ദിക് പുറത്തേക്ക്? ടീമില്‍ നിലനിര്‍ത്താന്‍ 10 ശതമാനം പോലും സാധ്യതയില്ലെന്ന് റിപ്പോര്‍ട്ടുകള്‍
സ്പോര്‍ട്സ് ഡെസ്‌ക്
Thursday, 28th October 2021, 9:51 pm
മുംബൈ: ഐ.പി.എല്ലിന്റെ പുതിയ സീസണില്‍ മുംബൈ ഇന്ത്യന്‍സ് ഓള്‍റൗണ്ടര്‍ ഹര്‍ദിക് പാണ്ഡ്യയെ നിലനിര്‍ത്താന്‍ സാധ്യതയില്ലെന്ന് റിപ്പോര്‍ട്ടുകള്‍. അടുത്ത സീസണിലെ മെഗാ താരലേലത്തില്‍ ഹര്‍ദിക്കിനേയും ഉള്‍പ്പെടുത്തിയേക്കുമെന്നാണ് സൂചന.
മൂന്ന് താരങ്ങളെ മാത്രമാണ് ഓരോ ടീമുകള്‍ക്കും നിലനിര്‍ത്താനാവുക. നിലവില്‍ ക്യാപ്റ്റന്‍ രോഹിത് ശര്‍മ, വെടിക്കട്ട് താരം കെയ്‌റോണ്‍ പൊള്ളാര്‍ഡ്, പേസര്‍ ജസ്പ്രീത് ബുംറ എന്നിവരെയാണ് മുംബൈ നിലനിര്‍ത്താന്‍ ഏറ്റവുമധികം സാധ്യത കല്‍പിക്കുന്നത്.
‘ഇത്തവണ ബി.സി.സി.ഐ മൂന്ന് പേരെ മാത്രമേ നിലനിര്‍ത്താന്‍ സാധിക്കൂ എന്നാണ് അറിയിച്ചിരിക്കുന്നത്. ആര്‍.ടി.എം ഇല്ലെങ്കില്‍ നാല് പേരെ നിലനിര്‍ത്താന്‍ സാധിക്കും. രോഹിത് ശര്‍മയും ഇന്ത്യന്‍ പേസ് ബൗളിംഗിന്റെ കുന്തമുനയായ ജസ്പ്രീത് ബുംറയും എന്തായാലും ടീമില്‍ നിലനിര്‍ത്തപ്പെടും.
