വെസ്റ്റ് ഇന്‍ഡീസിനെതിരെ ട്വന്റി-20 പരമ്പരയില്‍ ഇന്ത്യ തോറ്റിരുന്നു. അഞ്ച് മത്സരങ്ങളടങ്ങിയ പരമ്പരയില്‍ 3-2നായിരുന്നു ഇന്ത്യയുടെ തോല്‍വി. ആദ്യ രണ്ട് മത്സരത്തിലേ തോല്‍വിക്ക് ശേഷം മൂന്നും നാലും മത്സരങ്ങള്‍ ഇന്ത്യ വിജയിച്ചിരുന്നു. എന്നാല്‍ അഞ്ചാം മത്സരത്തില്‍ വിന്‍ഡീസ് ഇന്ത്യയെ ഔട്ട്‌പ്ലേ ചെയ്യുകയായിരുന്നു.
അഞ്ചാം മത്സരത്തില്‍ ആദ്യം ബാറ്റ് ചെയ്ത ഇന്ത്യ സൂര്യകുമാര്‍ യാദവിന്റെ 61 റണ്‍സിന്റെ ബലത്തില്‍ 165 റണ്‍സ് നേടിയിരുന്നു. 166 റണ്‍സ് ചെയ്‌സ് ചെയ്യാനിറങ്ങിയ വിന്‍ഡീസ് മത്സരം നിസാരമായി കൈക്കലാക്കുകയായിരുന്നു. വിന്‍ഡീസിനായി ബ്രാണ്‍ഡണ്‍ കിങ് 85 റണ്‍സും നിക്കോളസ് പൂരന്‍ 47 റണ്‍സും നേടി. എട്ട് വിക്കറ്റിനായിരുന്നു വിന്‍ഡീസ് വിജയം.
അഞ്ചാം മത്സരത്തിലെ തോല്‍വിക്ക് ശേഷം ഇന്ത്യന്‍ നായകന്‍ ഹര്‍ദിക് പാണ്ഡ്യ പരമ്പരയില്‍ ഇന്ത്യയുടെ പ്രകടനത്തെ കുറിച്ച് സംസാരിച്ചിരുന്നു. തോല്‍വി നമ്മുടെ പ്രകടനം മെച്ചപ്പെടുത്താന്‍ സഹായിക്കുമെന്നാണ് ഹര്‍ദിക് പറഞ്ഞത്.
