ഇന്ത്യയുടെ വിന്‍ഡീസ് പര്യടനത്തിലെ ടി-20 മത്സരങ്ങള്‍ നടന്നുകൊണ്ടിരിക്കുകയാണ്. അഞ്ച് മത്സരങ്ങളടങ്ങിയ പരമ്പരയിലെ ആദ്യ മൂന്ന് മത്സരങ്ങള്‍ അവസാനിച്ചപ്പോള്‍ ആതിഥേയര്‍ 2-1ന് ലീഡ് ചെയ്യുകയാണ്.
ആദ്യ മൂന്ന് മത്സരങ്ങളും വിജയിച്ച് ആധികാരികമായി പരമ്പര പിടിക്കാമെന്ന വിന്‍ഡീസ് മോഹങ്ങള്‍ക്ക് മേല്‍ കരിനിഴല്‍ വീഴ്ത്തിക്കൊണ്ടാണ് ഇന്ത്യ മൂന്നാം മത്സരം പിടിച്ചടക്കി പരമ്പര കൈവിടാതെ കാത്തത്.
സൂപ്പര്‍ താരം സൂര്യകുമാര്‍ യാദവിന്റെ വെടിക്കെട്ടും യുവതാരം തിലക് വര്‍മയുടെ അപരാജിത ഇന്നിങ്‌സുമാണ് ഇന്ത്യക്ക് അനായാസ വിജയം നേടിക്കൊടുത്തത്.
Maturity with the bat ✨
Breathtaking shots 🔥
What’s the wrist band story 🤔
ഈ വിജയത്തിന് പിന്നാലെ ഒരു നേട്ടം ഹര്‍ദിക് പാണ്ഡ്യയെ തേടിയെത്തിയിരിക്കുകയാണ്. ടി-20 ഫോര്‍മാറ്റിലെ ആദ്യ 14 മത്സരങ്ങള്‍ അവസാനിക്കുമ്പോള്‍ ഏറ്റവുമധികം വിജയങ്ങള്‍ നേടിയ ഇന്ത്യന്‍ ക്യാപ്റ്റന്‍മാരുടെ പട്ടികയില്‍ രണ്ടാമതെത്തിയിരിക്കുകയാണ് ഹര്‍ദിക്.
ക്യാപ്റ്റന്റെ റോളില്‍ ആദ്യ 14 മത്സരങ്ങള്‍ അവസാനിച്ചപ്പോള്‍ ഒമ്പത് വിജയത്തോടെയാണ് ഹര്‍ദിക് രണ്ടാം സ്ഥാനത്തുള്ളത്. മുന്‍ ഇന്ത്യന്‍ നായകന്‍ വിരാട് കോഹ്‌ലിയുടെ പേരിലും ആദ്യ 14 മത്സരത്തില്‍ നിന്നും ഒമ്പത് വിജയമാണ് കുറിക്കപ്പെട്ടിരുന്നത്.
രോഹിത് ശര്‍മയാണ് പട്ടികയിലെ ഒന്നാമന്‍. ആദ്യ 14 മത്സരത്തില്‍ നിന്നും 12 വിജയമാണ് ഹിറ്റ്മാന്റെ പേരിലുള്ളത്.
ഓഗസ്റ്റ് എട്ടിന് നടന്ന മത്സരത്തിലെ വിജയമാണ് ഹര്‍ദിക്കിനെ വിരാടിനൊപ്പമെത്തിച്ചത്. മത്സരത്തില്‍ ടോസ് നേടി ബാറ്റിങ് തെരഞ്ഞെടുത്ത വിന്‍ഡീസ് നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 159 റണ്‍സ് നേടി.
