ന്യൂദല്‍ഹി: ക്രിക്കറ്റിന്റെ ഗ്ലാമര്‍ ലോകത്ത് നിന്നും ബോളിവുഡിന്റെ വര്‍ണശബളമായ ലോകത്തേക്ക് പറക്കാനൊരുങ്ങുകയാണ് ഇന്ത്യന്‍ ക്രിക്കറ്റ് താരം ഹര്‍ഭജന്‍ സിങ്.[]
വരുന്ന മെയ് മൂന്നിന് സിനിമാ സംരംഭത്തെ കുറിച്ചുള്ള ഔദ്യോഗിക പ്രഖ്യാപനം ഭാജി നടത്തുമെന്നാണ് അറിയുന്നത്. തുടക്കക്കാരനെന്ന നിലയില്‍ രണ്ട് ചിത്രങ്ങള്‍ നിര്‍മിക്കാനാണ് ഭാജിയുടെ പദ്ധതി എന്നാണ് അറിയുന്നത്.
ബോളിവുഡിലെ സൂപ്പര്‍താരങ്ങള്‍ തന്നെയാവും ഹര്‍ഭജന്‍ ചിത്രത്തിലെ പ്രധാന താരങ്ങള്‍ എന്നാണ് കേള്‍ക്കുന്നത്. പുതുമുഖങ്ങളെ വെച്ച് ചിത്രമെടുക്കാനുള്ള പദ്ധതിയും ഭാജിക്കുണ്ടത്രേ.
ടെലിവിഷന്‍ രംഗത്തും ഒരു കൈ നോക്കാന്‍ ഹര്‍ഭജന്‍ ഒരുങ്ങുന്നുണ്ട്. എന്തായാലും കൂടുതല്‍ വിവരങ്ങള്‍ക്ക് മെയ് മൂന്ന് വരെ കാത്തിരിക്കേണ്ടി വരും. ബോളിവുഡിലെ രാജാക്കന്മാരായ സല്‍മാന്‍ ഖാന്‍, അക്ഷയ് കുമാര്‍ എന്നിവരടക്കമുള്ള പ്രമുഖര്‍ ചടങ്ങില്‍ പങ്കെടുക്കുമെന്നാണ് അറിയുന്നത്.