ഐ.പി.എല്ലില്‍ ഇന്നലെ ജയ്പൂരില്‍ നടന്ന മത്സരത്തില്‍ രാജസ്ഥാന് റോയല്‍സിനെതിരെ ഗുജറാത്ത് ടൈറ്റന്‍സിന് മൂന്ന് വിക്കറ്റ് വിജയം. ടോസ് നഷ്ടപ്പെട്ട് ബാറ്റിങ് ഇറങ്ങിയ രാജസ്ഥാന് മൂന്ന് വിക്കറ്റ് നഷ്ടത്തില്‍ 196 റണ്‍സ് ആണ് നേടാന്‍ സാധിച്ചത്. എന്നാല്‍ മറുപടി ബാറ്റിങ്ങില്‍ ഗുജറാത്ത് ഏഴ് വിക്കറ്റ് നഷ്ടത്തില്‍ 199 റണ്‍സ് നേടി വിജയം സ്വന്തമാക്കുകയായിരുന്നു.
അവസാന ഘട്ടത്തില്‍ ഗുജറാത്തിനെ വിജയത്തില്‍ എത്തിച്ചത് 11 പന്തില്‍ നിന്ന് നാല് ഫോര്‍ ഉല്‍പ്പെടെ 24 റണ്‍സ് നേടിയ അഫ്ഗാനിസ്ഥാന്‍ സ്റ്റാര്‍ റാഷിദ് ഖാന്‍ ആണ്. പ്ലെയര്‍ ഓഫ് ദ മാച്ച് പുരസ്‌കാരം സ്വന്തമാക്കിയതും താരമാണ്. റാഷിദിന് പുറമെ രാഹുല്‍ തെവാട്ടിയ 11 പന്തില്‍ 22 റണ്‍സ് നേടി.
പതിനേഴാം സീസണിലെ ആദ്യ തോല്‍വിക്ക് രാജസ്ഥാന് ക്യാപ്റ്റന്‍ സഞ്ജു സാംസണിനെയും മറ്റ് താരങ്ങളെയും രൂക്ഷമായി വിമര്‍ശിച്ച് രംഗത്ത് വന്നിരിക്കുകയാണ് മുന്‍ ഇന്ത്യന്‍ താരം ഹര്‍ഭജന്‍ സിങ്.
സ്ലോ ഓവര്‍ റേറ്റ് കാരണമാണ് രാജസ്ഥാന് ജയം നഷ്ടമായതെന്ന് അദ്ദേഹം പറഞ്ഞു. 20-ാം ഓവറിന് മുമ്പ് രാജസ്ഥാന് നിശ്ചിത സമയത്തിന് ചെലവഴിച്ചു, പെനാല്‍റ്റി കാരണം 30-യാര്‍ഡ് സര്‍ക്കിളിന് പുറത്ത് അഞ്ച് ഫീല്‍ഡര്‍മാര്‍ക്ക് പകരം നാല് പേരെ അനുവദിച്ചു. കളി മാറ്റിമറിച്ച നിമിഷമാണിതെന്ന് ഹര്‍ഭജന്‍ വിലയിരുത്തി.
‘ഗുജറാത്ത് ടൈറ്റന്‍സിനായി രാഹുല്‍ തെവാട്ടിയയും റാഷിദ് ഖാനും നന്നായി ബാറ്റ് ചെയ്തു, പക്ഷേ 20-ാം ഓവര്‍ ആരംഭിക്കുന്നതിന് മുമ്പ് രാജസ്ഥാന് മത്സരം പരാജയപ്പെട്ടതായി എനിക്ക് തോന്നി. സ്ലോ ഓവര്‍ നിരക്ക് കാരണം 30 യാര്‍ഡ് സര്‍ക്കിളിന് പുറത്ത് അഞ്ച് കളിക്കാര്‍ക്ക് പകരം നാല് പേരെ മാത്രമേ അനുവദിച്ചുള്ളൂ. ഇത് അവരുടെ സ്ഥിതി മോശമാക്കി,
കൃത്യസമയത്ത് ഓവറുകള്‍ എറിയാതിരുന്ന രാജസ്ഥാന്റെ പിഴവ് കാരണം ഗുജറാത്തിന്റെ ബാറ്റര്‍മാര്‍ക്ക് ബൗണ്ടറികള്‍ അടിക്കാനും ഡബിള്‍ എടുക്കാനും കഴിഞ്ഞു. അവരുടെ തെറ്റ് വിലയേറിയതായി തെളിഞ്ഞു. കൃത്യസമയത്ത് ഓവര്‍ എറിഞ്ഞില്ലെങ്കില്‍ ടീം തോല്‍വി ഏറ്റുവാങ്ങുമെന്ന് ആരും കരുതിയിരിക്കില്ല, പക്ഷേ റോയല്‍സിന് ടീമിന് അത് സംഭവിച്ചു. അനുവദിച്ച സമയപരിധി മാനിച്ചില്ലെങ്കില്‍ വലിയ വില നല്‍കേണ്ടിവരുമെന്ന് ടീമുകള്‍ ഓര്‍ക്കണം,’ ഹര്‍ഭജന്‍ സിങ് പറഞ്ഞു.
Content Highlight: Harbajan Singh Talking About Rajasthan Royals Lose