ഗസ: ഇസ്രഈലിലെ തടവറകളിൽ കഴിയുന്ന മുഴുവൻ ഫലസ്തീനികളെയും മോചിപ്പിച്ചാൽ എല്ലാ ഇസ്രഈൽ ബന്ദികളെയും വിട്ടയക്കാമെന്ന് ഹമാസ്.
‘തടങ്കലിലുള്ള ഞങ്ങളുടെ മുഴുവൻ ആളുകൾക്കും പകരമായി മുഴുവൻ ഇസ്രഈലി സൈനികരെയും വിട്ടയക്കാൻ ഞങ്ങൾ തയ്യാറാണ്,’ ഹമാസ് നേതാവും മുൻ ഗസ ആരോഗ്യ മന്ത്രിയുമായ ബാസിം നൈം ദക്ഷിണാഫ്രിക്കയിൽ വാർത്താ സമ്മേളനത്തിൽ പറഞ്ഞു.
സമാധാന ഉടമ്പടി അവസാനിക്കാനിരിക്കെ 16 ബന്ദികളെ കൂടി മോചിപ്പിച്ചതിന് പിന്നാലെയായിരുന്നു ഹമാസിന്റെ വാഗ്ദാനം. ഇസ്രഈൽ തടവറകളിൽ കഴിയുകയായിരുന്ന 16 കുട്ടികളെയും 14 സ്ത്രീകളെയും കഴിഞ്ഞ ദിവസം മോചിപ്പിച്ചതായി ഖത്തർ വിദേശകാര്യ മന്ത്രാലയം അറിയിച്ചു.
വെടിനിർത്തൽ ഉടമ്പടിയുടെ ഭാഗമായി ഇതുവരെ 60 ഇസ്രഈലി ബന്ദികളെയും 180 ഫലസ്തീനി തടവുകാരെയും വിട്ടയച്ചു.
ഉടമ്പടിയുടെ ഭാഗമായി ഇതുവരെ സ്ത്രീകളെയും കുട്ടികളെയുമാണ് ഇരു പക്ഷത്ത് നിന്നും വിട്ടയച്ചത്. നിലവിൽ ഇസ്രഈലി സൈനികരെയൊന്നും ഹമാസ് വിട്ടയച്ചിട്ടില്ല.
കഴിഞ്ഞ ദിവസം ഇസ്രഈലി രഹസ്യാന്വേഷണ ഏജൻസി മൊസാദും അമേരിക്കൻ രഹസ്യാന്വേഷണ ഏജൻസി സി.ഐ.എയും ഖത്തറിൽ ഉടമ്പടിയുടെ അടുത്ത ഘട്ടം സംബന്ധിച്ച് ചർച്ച നടത്തിയതായി എ.എഫ്.പി ചർച്ച ചെയ്തിരുന്നു.
നാല് ദിവസത്തെ വെടിനിർത്തൽ ഉടമ്പടി രണ്ട് ദിവസത്തേക്ക് കൂടി നീട്ടുകയായിരുന്നു. ഉടമ്പടി അവസാനിക്കാനിരിക്കെ ഖത്തറിന്റെ മധ്യസ്ഥതയിൽ ചർച്ചകൾ നടക്കുകയാണ് എന്നാണ് റിപ്പോർട്ടുകൾ.
Content Highlight: Hamas offers to swap all Israelis for all jailed Palestinians
ഇസ്രഈല്‍ ഫലസ്തീന്‍ സംഘര്‍ഷവുമായി ബന്ധപ്പെട്ട് ഡൂള്‍ന്യൂസ് പ്രസിദ്ധീകരിച്ച ലേഖനങ്ങള്‍, അഭിമുഖങ്ങള്‍
1) ഗസയുടെ 75 വര്‍ഷത്തെ ചരിത്രം; എങ്ങിനെയാണ് ഹമാസിന്റെ ആക്രമണമുണ്ടാകുന്നത്? (24/11/2023)
3) ബ്രീട്ടീഷ് ഇന്ത്യയിലെ പാഠപുസ്തകത്തിലുള്ള ഫലസ്തീനും ഭൂപടത്തിലില്ലാത്ത ഇസ്രഈലും (21/11/2023)
4) ഇസ്രഈലും അധിനിവേശവും(10/11/2023)
5) ഫലസ്തീനികളില്‍ ചെറിയൊരു വിഭാഗം എന്ത്‌കൊണ്ട് അക്രമാസക്തരാകുന്നു; ആറ് ചരിത്ര കാരണങ്ങള്‍(31/10/2023)
7) ഫലസ്തീന്‍ രാഷ്ട്രീയം മാറുന്നുണ്ട് ഹമാസും(28/10/2023)
8) ഫലസ്തീനിലേക്ക് ഇനി അധികം ദൂരമില്ല(13/10/2023)