ഒക്ടോബർ ഏഴ് മുതലുള്ള ആക്രമണത്തിൽ 600ഓളം ഇസ്രഈലി സൈനികർ കൊല്ലപ്പെട്ടിട്ടുണ്ടെന്നാണ് റിപ്പോർട്ട്. ഇസ്രഈൽ സൈന്യത്തിൽ ആയിരക്കണക്കിന് സൈനികരുടെ കുറവുണ്ടെന്നും സേന മാനവശേഷിയുടെ അഭാവം അഭിമുഖീകരിക്കുകയാണെന്നും കഴിഞ്ഞ ദിവസം ഇസ്രഈലി പത്രമായ യെദ്യോത് അഹ്രാനോത്തിന്റെ വെബ്സൈറ്റ് വൈനെറ്റ്ന്യൂസ്‌ റിപ്പോർട്ട് ചെയ്തിരുന്നു.
7,000 അധിക സൈനികരെ ഇസ്രഈൽ പ്രതിരോധ സേന ആവശ്യപ്പെട്ടതായി നേരത്തെ റിപ്പോർട്ടുകൾ പുറത്തുവന്നിരുന്നു.
ഗസ യുദ്ധത്തിൽ സൈന്യം വലിയ വില നൽകുകയാണെന്ന് ഇസ്രഈൽ സൈനികകാര്യ മന്ത്രി യോവ ഗാലന്റ് പറഞ്ഞിരുന്നു.
