2019 ല്‍ പകുതിസീറ്റും നഷ്ടപ്പെട്ടു; 2021 ല്‍ പൂര്‍ണമായി തുടച്ചുനീക്കും; തൃണമൂലിനെതിരെ കേന്ദ്രമന്ത്രി ബാബുല്‍ സുപ്രിയോ
ഡൂള്‍ന്യൂസ് ഡെസ്‌ക്
Sunday, 21st July 2019, 3:52 pm
കൊല്‍ക്കത്ത: തൃണമൂല്‍ കോണ്‍ഗ്രസിനെതിരെ രൂക്ഷ വിമര്‍ശനവുമായി കേന്ദ്രമന്ത്രി ബാബുല്‍ സുപ്രിയോ. 2021 ലെ നിയസഭാ തെരഞ്ഞെടുപ്പോടെ തൃണമൂല്‍ കോണ്‍ഗ്രസിനെ തുടച്ചുമാറ്റുമെന്നായിരുന്നു ബാബുല്‍ സുപ്രിയോ പറഞ്ഞത്.
”2019 ല്‍ പകുതി ശക്തിയും നഷ്ടപ്പെട്ടു. 2021 ഓടെ പൂര്‍ണമായും തുടച്ചുനീക്കും”- എന്നായിരുന്നു സുപ്രിയോ ട്വിറ്ററില്‍ കുറിച്ചത്.
നേരത്തേയും സമാനമായ പ്രസ്താവനയുമായി ബാബുല്‍ സുപ്രിയോ രംഗത്തെത്തിയിരുന്നു. 2021 ലെ തെരഞ്ഞെടുപ്പിന് ശേഷം തൃണമൂല്‍ കോണ്‍ഗ്രസ് സംസ്ഥാനത്ത് ഉണ്ടാവില്ലെന്നായിരുന്നു സുപ്രിയോ പറഞ്ഞത്.
