തുര്‍ക്കി ആഭ്യന്തര മന്ത്രാലയത്തിന് മുന്നില്‍ ചാവേറാക്രമണം
ഡൂള്‍ന്യൂസ് ഡെസ്‌ക്
Monday, 2nd October 2023, 12:09 pm
അങ്കാറ: തുര്‍ക്കിയിലെ അങ്കാറയില്‍ ആഭ്യന്തര മന്ത്രാലയത്തിന് സമീപം ചാവേറാക്രമണം നടന്നു. ഭീകരാക്രണമത്തില്‍ രണ്ട് പൊലീസുകാര്‍ക്ക് പരിക്കേറ്റതായി ആഭ്യന്തര മന്ത്രാലയം അറിയിച്ചു. ചാവേറിനൊപ്പമുണ്ടായിരുന്നയാളെ പൊലീസ് വെടിവെച്ചുകൊന്നു. മൂന്നുമാസത്തെ അവധിക്ക് ശേഷം പാര്‍ലമെന്റ് സമ്മേളിക്കാനിരിക്കെയാണ് സംഭവം.
ഞായറാഴ്ച രാവിലെ 9.30ഓടെ ആഭ്യന്തര മന്ത്രാലയത്തിന്റെ ജനറല്‍ ഡയറക്ടറേറ്റ് ഓഫ് സെക്യൂരിറ്റിയുടെ പ്രവേശന കവാടത്തിന് മുന്നില്‍ രണ്ടുപേര്‍ വാഹനത്തില്‍ വന്നിറങ്ങുകയായിരുന്നെന്ന് ആഭ്യന്തര മന്ത്രി അലി യെര്‍ലികായ പറഞ്ഞു. തുര്‍ക്കി പാര്‍ലമെന്റ് മന്ദിരവും മന്ത്രിമാരുടെ ഓഫീസുകളും പ്രവര്‍ത്തിക്കുന്ന സ്ഥലത്താണ് സംഭവം നടന്നത്.
