കൊച്ചി കുണ്ടന്നൂരിലെ ബാര്‍ ഹോട്ടലില്‍ വെടിവെപ്പ്
ഡൂള്‍ന്യൂസ് ഡെസ്‌ക്
Wednesday, 26th October 2022, 9:42 pm
കൊച്ചി: കുണ്ടന്നൂരിലെ ബാര്‍ ഹോട്ടലില്‍ വെടിവെപ്പ്. ഇന്ന് വൈകീട്ട് മൂന്ന് മണിയോടെയാണ് വെടിവെപ്പുണ്ടായത്. കുണ്ടന്നൂര്‍ ഓജീസ് കാന്താരി ബാറിലാണ് സംഭവം നടന്നത്.
ബാറില്‍ നിന്ന് ഇറങ്ങിയ സംഘം വെടിയുതിര്‍ക്കുകയായിരുന്നു. ബാറിന്റെ ചുമരില്‍ രണ്ട് റൗണ്ട് വെടി വെച്ചു. വെടിവെപ്പില്‍ ആര്‍ക്കും പരിക്കില്ലെന്നാണ് വിവരം. വിവരമറിഞ്ഞ് എത്തിയ പൊലീസ് ബാറിലെ സി.സി.ടി.വി ദൃശ്യങ്ങള്‍ പരിശോധിക്കുകയാണ്.
എന്നാല്‍ വെടിവെപ്പിന്റെ വിവരം ബാര്‍ ഉടമകള്‍ പൊലീസിനെ അറിയിച്ചില്ല. ബാര്‍ അധികൃതര്‍ സംഭവം മറച്ചുവെച്ച് വീണ്ടും പ്രവര്‍ത്തനം തുടരുകയായിരുന്നു. ഏഴ് മണിയോടെയാണ് ബാര്‍ അധികൃതര്‍ പൊലീസിനെ വിവരമറിയിച്ചത്.
