കൊവിഡിനിടയില്‍ ഗുജറാത്തില്‍ റിസോര്‍ട്ട് രാഷ്ട്രീയം; മുഴുവന്‍ എം.എല്‍.എമാരേയും റിസോര്‍ട്ടിലേക്ക് മാറ്റി കോണ്‍ഗ്രസ്
ഡൂള്‍ന്യൂസ് ഡെസ്‌ക്
Saturday, 6th June 2020, 4:40 pm
അഹമ്മദാബാദ്: രാജ്യസഭാ തെരഞ്ഞെടുപ്പ് അടുത്തിരിക്കെ രാഷ്ട്രീയ പ്രതിസന്ധി രൂക്ഷമായ ഗുജറാത്തില്‍ എം.എല്‍.എമാരെ റിസോര്‍ട്ടിലേക്ക് മാറ്റി കോണ്‍ഗ്രസ്. കോണ്‍ഗ്രസിന്റെ 65 എം.എല്‍.എമാരേയും മൂന്ന് റിസോര്‍ട്ടിലേക്കാണ് മാറ്റിയിരിക്കുന്നത്.
നേരത്തെ എട്ട് കോണ്‍ഗ്രസ് എം.എല്‍.എമാര്‍ നിയമസഭാംഗത്വവും പാര്‍ട്ടി അംഗത്വവും രാജിവെച്ചിരുന്നു. രാജിവെച്ച കോണ്‍ഗ്രസ് എം.എല്‍.എമാരില്‍ ചിലര്‍ ബി.ജെ.പിക്കൊപ്പം ചേര്‍ന്നിട്ടുണ്ട്. മറ്റുള്ളവര്‍ മുഖ്യമന്ത്രി വിജയ് രൂപാണിയുമായി ചര്‍ച്ച നടത്തിക്കൊണ്ടിരിക്കുകയാണെന്നാണ് റിപ്പോര്‍ട്ട്.
