ജഡ്ജിക്ക് നേരെ ചെരുപ്പേറ്; ഗുജറാത്തില്‍ ചായക്കടക്കാരന് 18 മാസത്തെ തടവ്
ഡൂള്‍ന്യൂസ് ഡെസ്‌ക്
Friday, 4th June 2021, 4:41 pm
അഹമ്മദാബാദ്: ഗുജറാത്തില്‍ ഹൈക്കോടതി ജഡ്ജിയെ ചെരുപ്പെറിഞ്ഞ ചായക്കടക്കാരന് 18 മാസം തടവ് ശിക്ഷ വിധിച്ച് കോടതി.
ഗുജറാത്തിലെ രാജ്‌കോട്ട് ജില്ലയില്‍ നിന്നുള്ള ഭവാനിദാസ് ബവാജി എന്ന ചായക്കച്ചവടക്കാരനെയാണ് 18 മാസം തടവിന് അഹമ്മദാബാദിലെ മജിസ്‌ട്രേലിയന്‍ കോടതി വിധിച്ചത്.
2012 ല്‍ ഒരു കേസില്‍ വാദം കേള്‍ക്കുന്നതിനിടെയാണ് പ്രതി ഹൈക്കോടതി ജഡ്ജിയുടെ നേരെ ചെരുപ്പ് എറിഞ്ഞത്.
ഇന്ത്യന്‍ ശിക്ഷാ നിയമത്തിലെ 353-ാം വകുപ്പ് പ്രകാരമാണ് ഭവാനിദാസ് ബവാജിയെ കുറ്റക്കാരനാണെന്ന് മിര്‍സാപൂര്‍ ഗ്രാമീണ കോടതി ചീഫ് ജുഡീഷ്യല്‍ മജിസ്ട്രേറ്റ് വി.എ ധാദല്‍ വിധിച്ചത്.
തന്റെ കേസ് നീണ്ടുനില്‍ക്കുന്ന നിരാശയിലാണ് ജഡ്ജിയുടെ നേരെ ചെരുപ്പ് എറിഞ്ഞതെന്ന് ബവാജി പറഞ്ഞു.
