കാണ്‍പുര്‍: ഐ.പി.എല്‍ മത്സരങ്ങളുടെ സത്യസന്ധത ചോദ്യം ചെയ്യുന്ന പുതിയ കഥകള്‍ പുറത്ത് വരുന്നു. ഗുജറാത്ത് ലയണ്‍സും ഡെല്‍ഹി ഡെയര്‍ ഡെവിള്‍സുമായുള്ള മത്സരത്തിന് ശേഷം ടീമംഗങ്ങള്‍ താമസിച്ചിരുന്ന ലാന്റ് മാര്‍ക്ക ഹോട്ടലില്‍ നിന്ന് രണ്ട് വാതു വെപ്പുകാരെ അറസ്റ്റ് ചെയ്തതോടെയാണ് ചോദ്യങ്ങള്‍ ഉയരുന്നത്.
11 ാം തിയ്യതിയാണ് ഗ്രീന്‍ പാര്‍ക്ക് സ്‌റ്റേഡിയത്തിനടുത്തുള്ള ഏക ഫൈവ് സ്റ്റാര്‍ ഹോട്ടലില്‍ നിന്ന് മഹാരാഷ്ട്രക്കാരനായ നയന്‍ ഷാ, കാണ്‍പുര്‍ സ്വദേശി വികാസ് കുമാര്‍ എന്നിവരെ കാണ്‍പുര്‍ സീനിയര്‍ പോലീസ് സൂപ്രണ്ട് ആകാശ് കുല്‍ഹരി അറസ്റ്റ് ചെയ്തത്.സംഘത്തില്‍ മൂന്നാമതൊരാള്‍ കൂടിയുണ്ടെന്നും അയാളാണ് പിച്ചിനെ കുറിച്ചുള്ള വിവരങ്ങള്‍ നല്‍കുന്നതെന്നും പോലീസ് പറഞ്ഞു. ഗ്രീന്‍പാര്‍ക്ക് സ്റ്റേഡിയം സബ് കോണ്ടാകടറായ രമേഷ് ആണ് മൂന്നാമന്‍.
പിച്ചിന്റെ സ്വഭാവം മനസ്സിലാക്കി വാതുവെക്കുന്ന ഇവര്‍ എങ്ങനെയാണ് ഹോട്ടലില്‍ റൂമെടുത്തതെന്നും മറ്റും അന്വേഷിച്ച വരികയാണ്. ഹോട്ടല്‍ ജീവനക്കാരെയും ചോദ്യം ചെയ്യുന്നുണ്ട്. ഐ.പി.എല്‍ ആന്റി കറപ്ഷന്‍ ആന്റ് സെക്യുരിറ്റി യുണിറ്റ് പറഞ്ഞു.
പിച്ച് ഈര്‍പ്പമുള്ളതാക്കി റണ് നിരക്ക് കുറക്കാന്‍ ശ്രമിച്ചതായും സംശയങ്ങളുണ്ട്. പിച്ചിന്റെ മൊബൈല്‍ ചിത്രങ്ങളും 4.90 ലക്ഷം രൂപയും പോലീസ് കണ്ടെടുത്തു.
വാതുവയ്പ്പുകാരില്‍ നിന്നു ലഭിച്ച വിവരങ്ങളുടെ അടിസ്ഥാനത്തില്‍ രണ്ട് ഗുജറാത്ത് ലയണ്‍സ് താരങ്ങളെ പൊലീസ് ചെയ്യുമെന്ന് സൂചനയുണ്ട്. 2013ല്‍ ഐ.പി.എല്ലിനെ പിടിച്ചു കുലുക്കിയ ഒത്തുകളി വിവാദത്തെ ഓര്‍മിപ്പിക്കുന്നതാണ് നിലവിലെ സംഭവങ്ങള്‍.
2013ലെ വാതുവെപ്പ് വിവാദത്തില്‍ ബി.സി.സി.ഐ മുന്‍ പ്രസിഡണ്ട് എന്‍ ശ്രീനിവാസന്റെ മരുമകന്‍ ഗുരുനാഥ് മെയ്യപ്പന്‍, നടന് വിന്ധു ധാരാസിങ്, വാതുവെപ്പുകാരുമായി ബന്ധമുണ്ടായിരുന്നു. ഇതേ തുടര്‍ന്നാണ് മലയാളി താരമുള്‍പ്പടെയുള്ളവര്‍ക്ക് വിലക്കേര്‍പ്പെടുത്തിയത്. പിന്നീട് ശ്രീശാുന്തിനെ കുറ്റ വിമുക്തനാക്കിയെങ്കിലും വിലക്ക് നീക്കിയിട്ടില്ല.