നീ ട്വിറ്ററില്‍ കളിച്ചിരിക്കാതെ പോയി പ്രക്ടീസ് ചെയ്യു, ചാന്‍സൊക്കെ കിട്ടും; ഇന്ത്യന്‍ യുവതാരത്തിന് ഉപദേശവുമായി ഗ്രെയിം സ്മിത്
സ്പോര്‍ട്സ് ഡെസ്‌ക്
Monday, 20th June 2022, 7:20 pm
അയര്‍ലാന്‍ഡിനെതിരെയുള്ള ഇന്ത്യന്‍ ടീമിനെ കുറച്ചുദിവസം മുമ്പ് പ്രഖ്യാപിച്ചിരുന്നു. നിരവധി യുവതാരങ്ങള്‍ക്ക് അവസരം ലഭിച്ച പരമ്പരയില്‍ ഗുജറാത്ത് ടൈറ്റന്‍സിന്റെ മിന്നും ഓള്‍റൗണ്ടര്‍ രാഹുല്‍ തെവാട്ടിയയെ ഉള്‍പ്പെടുത്തിയിട്ടില്ലായിരുന്നു.
ഐ.പി.എല്ലില്‍ ഗുജറാത്തിനായി മികച്ച പ്രകടനമായിരുന്നു താരം കാഴ്ചവെച്ചത്. ഫിനിഷിങ് റോളില്‍ പല കളിയിലും ടീമിനെ വിജയത്തിലെത്തിക്കാന്‍ താരത്തിന് സാധിച്ചിരുന്നു. എന്നാല്‍ അത്രയും പോരായിരുന്നു ഇന്ത്യന്‍ ടീമിലെത്താന്‍.
ടീമിലെടുക്കാത്തതിനെ തുടര്‍ന്ന് താരം ട്വിറ്ററില്‍ ‘പ്രതീക്ഷകള്‍ വേദനിപ്പിക്കുമെന്ന്’ കുറിച്ചിരുന്നു. ഇതിന് മറുപടിയുമായി എത്തിയിരിക്കുകയാണ് മുന്‍ ദക്ഷിണാഫ്രിക്കന്‍ നായകനായ ഗ്രെയിം സ്മിത്.
