ലോസ് ഏഞ്ചല്‍സ്: അമ്പത്തഞ്ചാമത് ഗ്രാമി പുരസ്‌ക്കാരങ്ങള്‍ പ്രഖ്യാപിച്ചു. മികച്ച ഗാനത്തിനുള്ള പുരസ്‌കാരം അമേരിക്കന്‍ ഇന്‍ഡിപോപ്പ് ബാന്‍ഡ് ഫണ്ണിന്റെ വി ആര്‍ യങ്ങ് നേടി. ലോസ് ഏഞ്ചല്‍സ് സ്റ്റാപ്ള്‍സ് സെന്ററില്‍ നടന്ന ചടങ്ങില്‍ വിഖ്യാത ഗായിക ടെയ്‌ലര്‍ സ്വിഫ്റ്റിന്റെ ഗാനത്തോടെയാണ് ചടങ്ങുകള്‍ക്ക് തുടക്കം കുറിച്ചത്.[]
പ്രശസ്ത ബെല്‍ജിയം ഓസ്‌ട്രേലിയന്‍ ഗായകനും രചയിതാവുമായ ഗോത്യോയുടെ “സംബഡി ദാറ്റ് ഐ യൂസ്ഡ് ടു നോ” റെക്കോഡ് ഓഫ് ദ ഇയര്‍ പുരസ്‌കാരത്തിന് അര്‍ഹമായി. കൂടാതെ മറ്റ് മൂന്ന് പുരസ്‌കാരങ്ങളും ഗോത്യോ സ്വന്തമാക്കി.
ആറ് നാമനിര്‍ദേശങ്ങള്‍ ലഭിച്ച ദ ബ്ലാക്ക് കീസിന് 4 പുരസ്‌ക്കാരങ്ങല്‍ ലഭിച്ചു. ഈ വര്‍ഷത്തെ മികച്ച ആല്‍ബമായി മംമ്‌ഫോര്‍ഡ് ആന്‍ഡ് സണ്‍സിന്റെ “ബാബേല്‍” തിരഞ്ഞെടുക്കപ്പെട്ടു. മ്യൂസിക് വീഡിയോവിനുള്ള പുരസ്‌കാരവും മംമ്‌ഫോര്‍ഡ് ആന്‍ഡ് സണ്‍സ് തന്നെ സ്വന്തമാക്കി.
കഴിഞ്ഞവര്‍ഷം ആറ് ഗ്രാമി പുരസ്‌ക്കാരം ലഭിച്ച പോപ്പ് ഗായിക അഡേലെയാണ് ബാബേലിനുള്ള പുരസ്‌കാരം നല്‍കിയത്.