കശ്മീരില്‍ സെപ്റ്റംബറില്‍ തദ്ദേശ തെരഞ്ഞെടുപ്പ് നടത്തുമെന്ന് സര്‍ക്കാര്‍
ഡൂള്‍ന്യൂസ് ഡെസ്‌ക്
Saturday, 24th August 2019, 11:28 pm
ശ്രീനഗര്‍: കശ്മീരില്‍ 316 ബ്ലോക്ക് ഡെവലപ്‌മെന്റ് കൗണ്‍സിലുകളിലേക്കുള്ള തെരഞ്ഞെടുപ്പ് സെപ്റ്റംബറില്‍ നടത്തുമെന്ന് സര്‍ക്കാര്‍. റൂറല്‍ ഡെവലപ്‌മെന്റ് സെക്രട്ടറി ശീതള്‍ നന്ദ, കശ്മീര്‍ പ്രിന്‍സിപ്പല്‍ സെക്രട്ടറി രോഹിത് കന്‍സാല്‍ തുടങ്ങിയവര്‍ നടത്തിയ വാര്‍ത്താ സമ്മേളനത്തിലാണ് ഇക്കാര്യം പറഞ്ഞത്.
കശ്മീരില്‍ ആര്‍ട്ടിക്കിള്‍ 370 എടുത്ത് കളഞ്ഞതിന് ശേഷം ഏര്‍പ്പെടുത്തിയ കര്‍ഫ്യൂവും ഫോണ്‍, ഇന്റര്‍നെറ്റ് നിരോധനവും നിയന്ത്രണവും തുടരുന്നതിനിടെയാണ് തെരഞ്ഞെടുപ്പ് നടത്തുമെന്ന് പ്രഖ്യാപിച്ചിരിക്കുന്നത്.
