മുംബൈ: മഹാരാഷ്ട്രയില്‍ ഇന്നു രാവിലെ ഇങ്ങനെയൊക്കെ നടക്കുമെന്നു ഗവര്‍ണര്‍ ഭഗത് സിങ് കോശ്യാരി ഇന്നലെത്തന്നെ അറിഞ്ഞിരുന്നെന്നു വ്യക്തമാക്കി റിപ്പോര്‍ട്ടുകള്‍. തന്റെ ദല്‍ഹി സന്ദര്‍ശനം റദ്ദാക്കിയാണ് ഗവര്‍ണര്‍ ഇന്നു രാവിലെ സത്യപ്രതിജ്ഞ നടത്തിയത്.
മൂന്നുദിവസത്തെ ദല്‍ഹി സന്ദര്‍ശനമാണ് ഗവര്‍ണര്‍ റദ്ദാക്കിയതെന്ന് എന്‍.ഡി.ടി.വി റിപ്പോര്‍ട്ട് ചെയ്തു.
രാവിലെ ഗവര്‍ണറുടെ വീട്ടിലെത്തി സര്‍ക്കാരുണ്ടാക്കാനുള്ള അവകാശവാദം ദേവേന്ദ്ര ഫഡ്നാവിസ് ഉന്നയിക്കുമ്പോള്‍ത്തന്നെ, സത്യപ്രതിജ്ഞ ചെയ്യാനുള്ള പോയിഡവും മൈക്രോഫോണുകളും രാജ്ഭവനില്‍ തയ്യാറായിരുന്നുവെന്ന് ഇന്ത്യാ ടുഡേ റിപ്പോര്‍ട്ട് ചെയ്തു. അപ്പോള്‍ സമയം ഏഴര. തന്റെ കുടുംബാംഗങ്ങളുമായാണ് ഫഡ്നാവിസ് രാജ്ഭവനിലെത്തിയത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
മഹാരാഷ്ട്ര മുഖ്യമന്ത്രിയായി ദേവേന്ദ്ര ഫഡ്നാവിസ് സത്യപ്രതിജ്ഞ ചെയ്ത് അധികാരമേല്‍ക്കുന്നതിന്റെ കൃത്യം ഒരു മണിക്കൂര്‍ മുന്‍പാണ് കേന്ദ്ര ആഭ്യന്തരമന്ത്രാലയം പ്രത്യേക വിജ്ഞാപനത്തിലൂടെ മഹാരാഷ്ട്രയിലെ രാഷ്ട്രപതി ഭരണം റദ്ദാക്കുന്നത്.
