പ്രവാസികള്‍ക്ക് ആശ്വാസവുമായി സര്‍ക്കാര്‍; വിമാനത്താവളങ്ങളില്‍ ആര്‍.ടി.പി.സി.ആര്‍ പരിശോധന സൗജന്യമാക്കി കേരളം
ഡൂള്‍ന്യൂസ് ഡെസ്‌ക്
Friday, 26th February 2021, 3:28 pm
തിരുവനന്തപുരം: വിദേശത്ത് നിന്ന് എത്തുന്ന പ്രവാസികള്‍ക്ക് കൊവിഡ് പരിശോധന സൗജന്യമാക്കി കേരള സര്‍ക്കാര്‍. വിമാനത്താവളങ്ങളില്‍ നടത്തുന്ന ആര്‍.ടി.പി.സി.ആര്‍ പരിശോധനയാണ് സംസ്ഥാന സര്‍ക്കാര്‍ സൗജന്യമാക്കിയിരിക്കുന്നത്.
ആരോഗ്യമന്ത്രി കെ.കെ ശൈലജയാണ് ഇത് സംബന്ധിച്ച് തീരുമാനം അറിയിച്ചത്. റിസല്‍ട്ട് നല്‍കിയ ശേഷം ആരോഗ്യവകുപ്പിന്റെ നിര്‍ദേശാനുസരണം മുന്‍കരുതല്‍ നടപടികള്‍ സ്വീകരിക്കണമെന്നും മന്ത്രി പറഞ്ഞു
നിലവില്‍ വിദേശത്ത് നിന്ന് ഇന്ത്യയില്‍ എത്തുന്നവര്‍ 72 മണിക്കൂറിനകം എടുത്ത കൊവിഡ് നെഗറ്റീവ് സര്‍ട്ടിഫിക്കറ്റ് കൈയില്‍ കരുതണം. ഇതിന് പുറമെ വിമാനത്താവളങ്ങളില്‍ നിന്ന് ആര്‍.ടിപി.സി.ആര്‍ ടെസ്റ്റ് ചെയ്യണമെന്നും നിര്‍ബന്ധമാണ്.
