തമിഴിലെ സൂപ്പര്‍ ഹിറ്റ് സംവിധായകനും മലയാളിയുമായ ഗൗതം മേനോന്‍ മലയാളത്തിലേക്കെന്ന് റിപ്പോര്‍ട്ട്. രണ്ട് ബിഗ് ബജറ്റ് പ്രൊജക്ടുകളാണത്രേ ഗൗതം മലയാളത്തില്‍ പദ്ധതിയിടുന്നത്.[]
മോഹന്‍ലാലിനെയും ഫഹദ് ഫാസിലിനേയും നായകന്മാരാക്കി ചിത്രമെടുക്കാനാണ് ഗൗതമിന്റെ പദ്ധതി. ഷാഹുല്‍ മരയ്ക്കാറുമായി ചേര്‍ന്നാണ് ഗൗതം ചിത്രം തയ്യാറാക്കുന്നത് എന്നാണ് അറിയുന്നത്.
ചിത്രത്തിന്റെ അണിയറ ജോലികള്‍ ആരംഭിച്ചെന്നാണ് അറിയുന്നത്. ഷൂട്ടിങ് എന്നാരംഭിക്കുമെന്നോ എന്ന് തിയേറ്ററിലെത്തുമെന്നോ ഇപ്പോള്‍ വ്യക്തമല്ല. എങ്കിലും നവംബറോടെ ചിത്രം പുറത്തിറങ്ങുമെന്നാണ് അറിയുന്നത്.
നിലവില്‍ സൂര്യയെ നായകനാക്കി തമിഴില്‍ ചിത്രം ചെയ്യുകയാണ് ഗൗതം. സൂര്യയുടെ ചിത്രം കഴിഞ്ഞാലാകും മലയാളത്തില്‍ ആദ്യ സംരംഭത്തിന് ഗൗതം ഒരുങ്ങുക എന്നാണ് അറിയുന്നത്.