ദുല്‍ഖറും ഫഹദും ബഹുമുഖപ്രതിഭകള്‍: ഗൗതം മേനോന്‍
ഡൂള്‍ന്യൂസ് ഡെസ്‌ക്
Wednesday, 19th February 2014, 9:35 pm
[share]
[] ന്യൂജനറേഷന്‍ സിനിമകളിലെ അവിഭാജ്യ ഘടകങ്ങളായ ദുല്‍ഖര്‍ സല്‍മാന്റെയും ഫഹദ് ഫാസിലിന്റെയും അഭിനയ പ്രകടനത്തെ പ്രകീര്‍ത്തിച്ച് രംഗത്തെത്തിയിരിക്കുകയാണ് തമിഴിലെ പ്രശസ്ത സംവിധായകന്‍ ഗൗതം മേനോന്‍.
ദുല്‍ഖറും ഫഹദും ബഹുമുഖപ്രതിഭകള്‍ ആണെന്നാണ് ഗൗതം മേനോന്‍ പറഞ്ഞിരിക്കുന്നത്.
താന്‍ സ്ഥിരമായി മലയാളം ചിത്രങ്ങള്‍ കാണാറുണ്ടെന്നും യുവതാരങ്ങളായ ഫഹദും ദുല്‍ഖറും വ്യത്യസ്ത വേഷങ്ങള്‍ കൈകാര്യം ചെയ്യാന്‍ മിടുക്കുള്ളവരാണെന്നും അദ്ദേഹം പറഞ്ഞു.
ഒറ്റപ്പാലം സ്വദേശിയായ ഗൗതം മേനോന്‍ തമിഴിലെ വിണ്ണൈ താണ്ടി വരുവായ, വാരണം ആയിരം തുടങ്ങിയ ഹിറ്റ് സിനിമകളുടെ സംവിധായകനാണ്.
അദ്ദേഹത്തിന്റെ വാരണം ആയിരം എന്ന ചിത്രം മികച്ച തമിഴ് ചിത്രത്തിനുള്ള ദേശീയ പുരസ്‌കാരവും കരസ്ഥമാക്കിയിരുന്നു.