ന്യൂയോര്‍ക്ക്: ടെക്‌നോളജി ഭീമന്‍ ഗൂഗിള്‍ ആന്‍ഡ്രോയിഡ് ഉപഭോക്താക്കള്‍ക്കായി ക്രിസ്മസ് സമ്മാനം ഒരുക്കുന്നു. ജനുവരി 2 വരെ വാങ്ങിക്കുന്ന ആപ്ലിക്കേഷനുകള്‍, പുസ്തകങ്ങള്‍, ഗെയിമുകള്‍, സിനിമകള്‍ എന്നിവക്ക് വിലകുറച്ചാണ് ഗൂഗിള്‍ പ്ലേ ഉപയോക്താക്കളെ ക്രിസ്മസിന് വരവേല്‍ക്കുന്നത്.
12 ഡേയ്‌സ് ഓഫ് പ്ലേ എന്നാണ് ഓഫറിന് പേര് നല്‍കിയിരിക്കുന്നത്. പുതിയതായി സബ്‌സ്‌ക്രൈബ് ചെയ്യുന്ന ഉപയോക്താക്കള്‍ക്ക് ഗൂഗിള്‍ പ്ലേ മ്യൂസിക് നാലുമാസത്തേക്ക് സൗജന്യമായും ഡിസ്‌നി ലൈഫ്, എച്ച്.ബി.ഒ എന്നിവ ആദ്യ മൂന്നു മാസങ്ങളില്‍ 50 ശതമാനം കിഴിവിലും ഗൂഗിള്‍ പ്ലേ ക്രിസ്മസ് ഓഫറിന്റെ ഭാഗമായി നല്‍കും.
മിനിക്രാഫ്റ്റ് സ്റ്റോറി മോഡ് സീസണ്‍ 2, നീഡ് ഫോര്‍ സ്പീഡ് മോസ്റ്റ് വാണ്ടഡ്, ഫൈനല്‍ ഫാന്റസി ടാക്റ്റിക്‌സ് തുടങ്ങിയ വിലകൂടിയ ഗെയ്മുകള്‍ക്ക് 80 ശതമാനം വരെ കിഴിവും പുസ്തകങ്ങല്‍ക്ക് 75 ശതമാനം കിഴിവും ഗൂഗിള്‍ പ്ലേ നല്‍കൂന്നൂ.
ഗെയിം ഓഫ് ത്രോണ്‍സ്, ഡോക്ടര്‍ ഹു, ദ വാക്കിംഗ് ഡെഡ് എന്നിവ ഉള്‍പ്പെടെയുള്ള ജനപ്രിയ ടി.വി പ്രോഗ്രാമുകള്‍ക്കും കിഴിവ് നല്‍കിയിട്ടുണ്ട്.