സാന്‍ ഫ്രാന്‍സിസ്‌കോ: ആപ്പിള്‍ സ്ിറിക്ക് വെല്ലുവിളി സൃഷ്ടിച്ച ആപ്പിള്‍ ഐഫോണ്‍, ഐപാഡ് എന്നിവയില്‍ ഗൂഗിള്‍ നൗ എത്തുന്നു. ഗൂഗിള്‍ ആന്‍ഡ്രോയിഡ് ഓപ്പറേറ്റിങ് സിസ്റ്റം മൊബൈലുകള്‍ക്കായി കഴിഞ്ഞ വര്‍ഷമാണ് ഗൂഗിള്‍ നൗ പുറത്തിറക്കിയത്.[]
ഗൂഗിള്‍ നൗവിന്റെ രംഗപ്രവേശം ഏറെ വെല്ലുവിളി ഉയര്‍ത്തുക ആപ്പിള്‍ സിറിയ്ക്കാവും. ഐഫോണിനേക്കും ഐപാഡിലുമായുള്ള പുതിയ ആപ് ഗൂഗിള്‍ ആപ് സെര്‍ച്ചില്‍ ലഭ്യമാണ്.
ആപ്പിള്‍ സിറി കടുത്ത വെല്ലുവിളിയായിരുന്നു ഇത്രയും നാള്‍ ഗൂഗിളിന് ഉയര്‍ത്തിയിരുന്നത്. ഐഫോണിലും ഐപാഡിലും പ്രീലോഡഡായി എത്തുന്ന ആപ്പിള്‍ സിറി ഉപഭോക്താവിന് ആവശ്യമായ എല്ലാ വിവരങ്ങളും കൃത്യമായി നല്‍കിയിരുന്നു.
ഗൂഗിള്‍ സെര്‍ച്ച് എഞ്ചിന് പകരമായി ഐഫോണ്‍, ഐപാഡ് ഉപഭോക്താക്കള്‍ ആപ്പിള്‍ സിറി ഉപയോഗിച്ചിരുന്നു. ലോകത്തിലെ ഏറ്റവും വലിയ സെര്‍ച്ച എഞ്ചിനായ ഗൂഗിളിന് ഇത് ഏറെ തലവേദന സൃഷ്ടിച്ചിരുന്നു. ഇതിനൊരു പ്രതിവിധിയായാണ് പുതിയ ആപ്പുമായി ഗുഗിള്‍ എത്തിയിരിക്കുന്നത്.