ലോസ് ആഞ്ചല്‍സ്: ലോസ് ആഞ്ചല്‍സ്: എഴുപത്തി മൂന്നാമത് ഗോള്‍ഡന്‍ ഗ്ലോബ് പുരസ്‌കാരം പ്രഖ്യാപിച്ചു. മികച്ച നടനുള്ള ഗോള്‍ഡന്‍ ഗ്ലോബ് പുരസ്‌കാരത്തിന് ടൈറ്റാനിക് നായകന്‍ ലിയനാര്‍ഡോ ഡികാപ്രിയോ (ദ റെവറന്റ് )അര്‍ഹനായി.
മികച്ച നടിക്കുള്ള പുരസ്‌കാരം ബ്രെയ് ലാര്‍സന്‍ സ്വന്തമാക്കി. റൂം എന്ന ചിത്രത്തിലെ അഭിനയത്തിനാണ് പുരസ്‌കാരം.
ദ മാര്‍ട്ടിയന്‍ ആണ് മികച്ച ചിത്രം. മികച്ച സഹനടിയായി കേറ്റ് വിന്‍സ്‌ലെറ്റിനെയും (ചിത്രം സ്റ്റീവ് ജോബ്‌സ്) സഹനടനായി സില്‍വെസ്റ്റര്‍ സ്റ്റാലോനെയും (ചിത്രം: ക്രീഡ്) തെരഞ്ഞെടുത്തു.
എന്‍യോ മോറികോണ്‍ (ചിത്രം: ഫെയ്റ്റ്ഫുള്‍ എയ്റ്റ്) മികച്ച സംഗീത സംവിധായകനാണ്. തിരക്കഥകൃത്തായി ആരോണ്‍ സോര്‍കിനെയും (ചിത്രം: സ്റ്റീവ് ജോബ്‌സ്) തെരഞ്ഞെടുത്തു.
മികച്ച വിദേശ ചിത്രം: സണ്‍ ഓഫ് സ്ഔള്‍ (ഹംഗറി), മികച്ച അനിമേഷന്‍ ചിത്രം: ഇന്‍സൈഡ് ഔട്ട്, മികച്ച ഒറിജിനല്‍ ഗാനം: റൈറ്റിങ്‌സ് ഓണ്‍ ദ വാള്‍, മികച്ച സംവിധായകന്‍: അലേജാന്‍ഡ്രോ ജി. ഇനാരിറ്റു (ചിത്രം: ദ റെവനന്റ്)
റിഡ്‌ലി സ്‌കോട്ടിന്റെ സയന്‍സ് ഫിക്ഷനായ ദി മാര്‍ഷിയന്‍ മ്യൂസിക്കല്‍, കോമഡി വിഭാഗത്തില്‍ മികച്ച ചിത്രമായി തെരഞ്ഞെടുക്കപ്പെട്ടു. ഈ വിഭാഗത്തില്‍ മികച്ച നടനായി മാറ്റ് ഡമോണും(ചിത്രം: ദ മാര്‍ഷിയന്‍) മികച്ച നടിയായി ജെന്നിഫര്‍ ലോറന്‍സും(ചിത്രം: ദ ജോയി) തെരഞ്ഞെടുക്കപ്പെട്ടു.