ഗോള്‍ഡന്‍ ഗ്ലോബ് അവാര്‍ഡ്; നോമിനേഷനിലും പരസ്പരം മത്സരിച്ച് ബാര്‍ബിയും ഓപ്പണ്‍ഹൈമറും
എന്റര്‍ടെയിന്‍മെന്റ് ഡെസ്‌ക്
Monday, 11th December 2023, 9:36 pm
81ാമത് ഗോള്‍ഡന്‍ ഗ്ലോബ് അവാര്‍ഡുകളില്‍ കൂടുതല്‍ നോമിനേഷനുകള്‍ നേടി ബാര്‍ബിയും ഓപ്പണ്‍ഹൈമറും. ബാര്‍ബിക്ക് വിവിധ വിഭാഗങ്ങളില്‍ നിന്നായി ഒമ്പത് നോമിനേഷനുകളാണ് ലഭിച്ചിട്ടുള്ളത്.
ഓപ്പണ്‍ഹൈമറിനാകട്ടെ എട്ട് നോമിനേഷനുകളും ലഭിച്ചു. 2024 ജനുവരി ഏഴിന് ലോസ് ഏഞ്ചല്‍സിലാകും ഗോള്‍ഡന്‍ ഗ്ലോബ് അവാര്‍ഡ് ചടങ്ങ് നടക്കുന്നത്.
കോമഡി ഓര്‍ മ്യൂസിക്കല്‍ – മികച്ച നടിക്കുള്ള നോമിനേഷനില്‍ മാര്‍ഗോട്ട് റോബി ഇടം നേടി. ബാര്‍ബിയിലെ അഭിനയത്തിന് റയാന്‍ ഗോസ്ലിംങ്ങിന് മികച്ച സഹനടനുള്ള നോമിനേഷനും ലഭിച്ചു. സിനിമാറ്റിക് ഏന്‍ഡ് ബോക്സ് ഓഫീസ് അച്ചീവ്‌മെന്റിലും സ്‌ക്രീന്‍പ്ലേയിലും ഉള്‍പ്പെടെ ബാര്‍ബി നോമിനേഷന്‍ സ്വന്തമാക്കി.
