കൊവിഡ് ബാധിച്ച് സ്വര്‍ണ വിപണിയും; വിലയില്‍ തുടര്‍ച്ചയായ ഇടിവ്
ഡൂള്‍ന്യൂസ് ഡെസ്‌ക്
Thursday, 29th April 2021, 10:19 am
കൊച്ചി: സ്വര്‍ണ വിലയില്‍ വീണ്ടും ഇടിവ് രേഖപ്പെടുത്തി. സംസ്ഥാനത്ത് ഗ്രാമിന് 20 രൂപയും പവന് 240 രൂപയുമാണ് കുറഞ്ഞത്. ഇതോടെ ഒരു ഗ്രാമിന് 4415 രൂപയും പവന് 35,320 രൂപയുമായി. സ്വര്‍ണ വിലയില്‍ തുടര്‍ച്ചയായ കുറവാണ് ഉണ്ടായിക്കൊണ്ടിരിക്കുന്നത്.
ആറ് ദിവസത്തിനിടെ 760 രൂപയുടെ കുറവാണുണ്ടായത്. ഈ ആഴ്ചയിലെ ആദ്യ രണ്ട് ദിവസങ്ങളില്‍ വ്യത്യാസമില്ലാതെ തുടര്‍ന്ന സ്വര്‍ണവില കഴിഞ്ഞ ദിവസം 120 രൂപ കുറഞ്ഞിരുന്നു.
ഏപ്രില്‍ മാസം തുടക്കത്തില്‍ 33,320 രൂപയിലേക്ക് താഴ്ന്നിരുന്ന സ്വര്‍ണവില പിന്നീട് ചെറിയ രീതിയില്‍ ഉയര്‍ന്നിരുന്നു. എന്നാല്‍ ഇപ്പോള്‍ വീണ്ടും വിലയില്‍ ഇടിവ് സംഭവിച്ചിരിക്കുകയാണ്.
